Më 21 qershor 2020 Serbia zhvilloi zgjedhjet elektorale ku fituese u shpall partia e Aleksandër Vuçiç me 60.65 për qind të votive ose ndryshe e përkthyer në deputet plot 188 vende nga 250 që ka në total parlamenti serb.
Komisioni Zgjedhor i Serbisë i ka certifikuar zgjedhjet, sipas të cilit shtatë lista zgjedhore hynë në parlament.
Në këtë parlament 3 vende do të jenë për deputetët shqiptar ku “Alternativa Demokratike Shqiptare – Lugina e Bashkuar”, fitoi 26.437 vota ose 0.82 për qind.
Në vend të dytë sa u përket ulëseve në parlament u rëndit Partia Socialiste e Serbisë (SPS) e Ivica Daçiç me 32 deputetë.
Vendet e tjera në parlament u plotësuan nga Lista zgjedhore “Aleksandar Shapiç – Fitorja për Serbinë” 11 deputetë, lista “Aleanca e Hungarezëve Vojvodina – Istvan Pastor” 9 deputetë.
Lista “Akademik Muamer Zukorliç – Partia e Drejtësisë dhe Pajtimit (PSP) – Partia Demokratike e Maqedonasve” fitoi katër mandate.
“SDA Sanxhak – Dr. Sulejman Uglanin” gjithashtu hyri në parlament duke marrë tri ulëse.
Vuçiç në këto zgjedhje ka marrë 59 deputetë më shumë se në zgjedhjet e fundit, Daçiç 3 deputetë më shumë, Pastor 5 deputetë më shumë, Zukorliç, dy deputetë më shumë Shaip Kamberi 2 deputetë më shumë, Uglanin 1 deputet më shumë, ndërsa Shapiç më 11 deputetë është parti e re në parlament.
