Erjona Preka, 25 vjeç dhe banuese në një provincë Italisë të quajtur Bra, u diplomua në Shkencat e Infermierisë në datën 7 Prill, kohe kur Italia ishte në karantinë të plotë.
Por vajza shqiptare me diplomën ende të freskët, dëshiron që ti bashkohet sa më shpejt mijëra kolegëve të saj që po u shërbejnë të sëmurëve me COVID-19 . Për gazetën italiane La Stampa ajo tha se “Pas marrjes së diplomës, verifikova që procedurat për regjistrimin në Regjistër do të kishin qenë më të shpejta nëse do të kisha nënshtetësi. Unë kam jetuar në Bra për njëzet vjet kërkesa ime për të përshpejtuar dorëzimin e nënshtetësisë u pranua, kjo ndodhi një ditë më parë”.
Më 20 maj ajo do të merrte nënshtetësinë italiane nga kryetari Gianni Fogliato, në emër të prefekturës.
Ndërkohë ajo mendonte me vete se virusi nuk pret dhe as të sëmurët. Kështu që ajo bëri një kërkesë që të përpshpejtonte ceremoninë dhe kërkoi të shpejtonte regjistrimin në Regjistrin e infermierëve dhe menjëherë të fillojë punën.
Ceremonia u zhvillua në sallën e zyrës së regjistrit të bashkisë, në siguri të plotë, kryebashkiaku Fogliato dhe një zyrtar nga njëra anë e një pengese, Erjona nga ana tjetër.
“Edhe në këto kushte, ishte vërtet emocionuese. Falënderoj Italinë që më dha aq shumë, tani dua të jap diçka. Tashmë kam marrë oferta pune, të cilat po i vlerësoj,” përfundon ajo.
Sapo Erjona të marrë kartën e identitetit, ajo do të përfundojë regjistrimin në Regjistër dhe do të jetë në gjendje të bëjë shërbimin si infermiere.
Burimi origjinal, këtu:
