Shkencëtarja shqiptare në SHBA, Donjeta Gjuka, e cila studjon biologjinë molekulare dhe qelizat, ka ndarë disa këshilla për qytetarët që të marrin masat e duhura për të frenuar përhapjen e koronavirusit.

Përmes një postimi në rrjetet sociale, ajo bëri të ditur se mbrojtja dhe kujdesi thelbësor në këto momente është mënyra e vetme për të parandaluar këtë pandemi.

“Mbrojtja është shumë e nevojshme për parandalimin e përhapjes së virusit deri sa të bëhen zhvillime më të mëdhaja në shkencë për trajtim dhe vaksinim. Përndryshe, pa i ndërmarrë përmasat e nevojshme, mund të tejngarkojmë sistemin shëndetësorë”, ka shkruar Gjuka.

Aktualisht, shkencëtarja shqiptare jep kontributin e saj në Universitetin e Teksasit në Austin ndërsa më parë ajo ka qenë e angazhuar si kërkuese shkencore në “Harvard Stem Cell Institute” në Boston.