Neurokirurgu i njohur shqiptar Kita Sallabanda Díaz, president i Shoqatës së Neuro-Kirurgëve në Spanjë dhe profesor në Universitetin e Madridit, në një intervistë të dhënë për “Report Tv”, tregoi për situatën e krijuar nga koronavirusi si dhe vlerësoi masat e marra nga qeveria shqiptare për të parandaluar përhapjen e tij.

Sipas tij, marrja në kohë e masave është çelësi i suksesit kundër këtij virusi, gjë që Shqipëria e ka bërë më përpara ndryshe nga Spanja.

“Masat që keni marrë ju janë jashtëzakonisht të mira. Shqipëria sistemin shëndetësor nuk e ka të qëndrueshëm sa Spanja, nëse lihet përhapja e koronavirusit në Shqipëri pasojat do të jenë shumë të mëdha, është një vdekje që nuk e di nga të vjen. Më tregonte sot portieri poshtë, që një grua këtu hoqi një dhëmb dhe dentisti ishte me koronavirus, dhe tani e kanë izoluar. Njeriu nuk e percepton por është vdekjeprurëse”, ka thënë ai.

Neurokirurgu, gjithashtu, bëri të ditur se vendimet e marra në shtetin shqiptar për këtë situatë, do të sjellin një numër të vogël të të infektuarve.

Për dallim nga Shqipëria, në Spanjë janë rreth 4 mijë të infektuar nga ky virus.

Burimi origjinal këtu: