Ajo eshte nje ndër katër yjet në futbollin femëror në Suedi dhe për këtë arsye ajo është nderuar nga Federata e Futbollit të Suedisë dhe Coca-Cola me një statujë.
“Statujat duhet të na prezantojnë neve ashtu siç jemi si futbollistë dhe unë jam më e përqendruar në teknikë. Këtë gjë e doja të theksuar në statujën time. Jam shumë krenare për të”, ka thënë Asllani.
Në karrierën e saj, Kosovare Asllani ka luajtur për PSG-në dhe Manchester Cityn.
Më parë, Asllani pati thënë se “kur ishte gjashtë vjeçare, një familjar i saj i kishte thënë se futbolli nuk ishte për femra”.

Kjo deklaratë dhe mendime të tilla, pati thënë ajo, e kanë shtyrë drejt sukseseve në karrierë.
Kosovare Asllani është shqiptare nga Kosova, e lindur në Krisianstad në Suedi me 29 korrik 1989 . Ajo u rrit duke luajtu futboll dhe hokej, por ajo zgjodhi që të luaj në futboll. Në moshën 15 vjeçare, ajo filloi karrierën e saj në Vimmerby IF. Gjatë kohës kur ishte në Vimmerby IF, ajo shënoi 49 gola në 48 ndeshje. Në vitin 2007, ajo shkoi që të luaj për Linköping FC. Më 4 dhjetor 2009, skuadra amerikane Chigago Red Stars ka konfirmuar se e kanë nënshkruar Kosovaren nga skuadra suedeze Linköpink FC. Asllani ka luajtur vetëm një sezon në këtë skuadër. Pas sezonit, Asllani kthehet në Linköping FC.
Në dhjetor 2011, Asllani shkon në vendlindjen e saj Krisianstad për të luajtur për Kristianstad DFF. Pasi që kontrata e saj përfundon, Asllani shkon për në Paris për të nënshkruar një kontratë dy vjeçare në skuadrën PSG Feminines.

Historia e inspiruar nga fëmijërja e futbollistes së famshme, Kosovare Asllani, tashmë do të jetë edhe në shqip përmes librit ‘’Pasoje topin! Thërret koha’’, nga Anja Gatu dhe Maria Kallstrom. Kështu kanë bërë të ditur nga The Library Project Kosova.

Por ky libër nuk do të shërbejë vetëm si një histori frymëzuese. Duke blerë këtë libër, do të kontribuoni në një projekt që synon ta kultivojë shprehinë e leximit në Kosovë.
Safete Binaku, inicuese e këtij projekti, ka treguar për albinfo.ch se të drejtat e librit për shqip tashmë i ka marrë një shtëpi botuese në Kosovë, dhe pritet të fillojë procesi i përkthimit.

“Ne kur e kemi lexuar librin, e kemi parë se është shumë i përshtashëm për fëmijët tanë, sepse bën fjalë për një vajzë që e do aq shumë futbollin, dhe po ashtu na pëlqen shumë puna e shtëpisë botuese Olika”, ka thënë Binaku.

Kosovare Asllani është larguar nga Linköping në mënyrë të menjëhershme. Ajo e cila shkëlqeu me Suedinë në Kupën Botërore – po kërkon aventura të reja dhe për këtë arsye e prishi kontratën.

Asllani do të ketë një kontratë në tavolinë nga skuadra e re e femrave të Real Madridit, shkruan . ”Spanja është interesante, por unë nuk do të komentoj për asnjë klub në këtë moment”, ka thënë agjenti i lojtares Arash Bayat.
Trajneri i Linköping, Olof Unogård nuk është i befasuar me informacionin për interesin e Real Madridit.

”Ky është një emër ekipi që është lakuar edhe më parë. Ata nuk kanë treguar ndonjë interes konkret dhe ky është një lajm i ri për mua. Por unë nuk jam i habitur me të vërtetë”, tha Unogard.

Real Madrid bleu ekipin e femrave të CD Tacon për pesë milionë euro në fund të qershorit. Sezoni i ardhshëm do të jetë i pari për ‘Los Blancos’ që do të kenë një ekip të femrave.
Megjithatë, ndryshimi zyrtar i emrit nuk bëhet deri në fillim të korrikut 2020.

Burimi origjinal këtu: