Hektor Grazhdani tregon për situatën e krijuar nga koronavirusi dhe masat e duhura për frenimin e përhapjes së virusit.
“Koronavirusi. Si të mbrohemi? Si ta luftojmë? E keqja e madhe po na afrohet!”, një artikull nga mjeku shqiptar në Romë, Hektor Grazhdani, i cili duke iu referuar informacioneve të mbledhura prej ekspertëve tregon lidhur me situatën e krijuar nga koronavirusi në vendin fqinj dhe jep këshilla e informacione të rëndësishme për parandalimin e COVID-19.
Personi që merr virusin, i zhvillon shenjat e sëmundjes pas një periudhe inkubacioni prej 2 deri në 14 ditë. Shumica e këtyre shenjave zhvillohen në ditën e 5-të , shpjegon Grazhdani.
Duke iu referuar situatës në Kinë dhe Itali, ai thotë se vetëm 20 përqind e të prekurve kanë nevojë për shtrim në spital. Ky virus krijon një imunitet dhe mbrojtje të fortë tek personat që e kalojnë atë, bën të ditur ai.
Megjithatë, Grazhdani i bën thirrje qytetarëve që të zbatojnë këshillat dhe masat e autoriteteve shëndetësore.
”Detyra luftarake e cdo qytetari është të mos infektohet! Të zbatojë të gjitha rregullat e mbrojtjes! Tu bindet të gjitha udhëzimeve dhe urdhërave të Autoriteteve Shëndetësore dhe të Autoriteteve Qeveritare”, shkruan ai.
Mjeku shqiptar mbyll artikullin e tij duke bërë të ditur se ky virus do të kalohet vetëm me pak kujdes nga gjithsecili për veten e tij.
“Të gjithë bashkë do të luftojmë armikun e padukshëm, armikun e egër dhe tinzar: coronavirusin! Të bashkuar do të fitojmë! Të jemi të ndarë me distance 2 metër njëri nga tjetri, por me zemra të gjithë pranë njëri-tjetrit! Të gjithë luftojmë! Do të fitojmë! Do t’ja dalim! Do ta fitojmë këtë luftë!”, përfundoi ai.
Burimi origjinal këtu:
