Kanë qenë sot dy oficerët e policisë së New York-ut, pjesëtarë të uniformave blu të NYPD, oficer Burim Gjonbalaj dhe Serani, të cilët kanë shpëtuar dy persona pasi kishin humbur ndjenjat.
Ata ishin sinjalizuar nga salla e komandimit se një shofer taksie dhe një pasagjer kishin humbur ndjenjat. Dy oficerët shqiptaro-amerikanë, kanë ndërhyrë me masa të shpejta duke kryer CPR, metodën e ndihmës së shpejtë nga eksperienca e tyre, duke ia rikthyer frymëmarrjen dhe duke sjellë në jetë personat e sëmurë.
“Punë e shkëlqyer e shqipëtarëve” ishte urimi i shoqatës së tyre NYPD Illyrian Society, që përfshin qindra shqiptaro-amerikanë të angazhuar në forcat e rendit dhe drejtësisë.
“Illyrian Society” ose ndryshe Shoqata Amerikano-Shqiptare e Policisë Iliriane ka mbi 250 anëtarë shqiptarë që shërbejnë në policinë e New York.
Ndërkohë, që në uniformat blu në New Jersey NJPD, thuhet se bëjnë pjesë më shumë se 100 shqiptarë dhe që kanë shoqatën e zbatimit të ligjit “Albanian American Law Enforcment” të shtetit New Jersey.
Burimi origjinal, këtu:
