Kosova i jep fund krizës, Dimal Basha zgjidhet kryetar i Kuvendit

E martë, 17 Nëntor, 2026
E martë, 17 Nëntor, 2026

Kosova i jep fund krizës, Dimal Basha zgjidhet kryetar i Kuvendit

Dimal Basha është zgjedhur sot kryetar i Kuvendit të Kosovës, duke marrë 73 vota pro në seancën plenare, ku ishin të pranishëm 115 deputetë. Kandidatura e tij, e propozuar nga Lëvizja Vetëvendosje, mori gjithashtu 30 vota kundër dhe 3 abstenime.

Ky votim i jep fund ngërçit disa mujor për konstituimin e institucioneve të dala nga zgjedhjet parlamentare të 8 shkurtit, të cilat kishin mbetur të bllokuara deri më sot.

Rezultatet e votimit:

  • 73 vota pro

  • 30 vota kundër

  • 3 abstenime

  • 115 deputetë të pranishëm

Kriza institucionale

Procesi i konstituimit të Kuvendit ka qenë i ndalur për muaj të tërë për shkak të pamundësisë së zgjedhjes së kryetarit. Më herët, Gjykata Kushtetuese kishte kujtuar se legjislativi i ri duhet të formohet brenda 30 ditëve nga certifikimi i rezultateve, afat që përfundon më 18 shtator.

Albert Krasniqi nga organizata Demokracia Plus e ka cilësuar këtë situatë si një bllokadë të rrezikshme për funksionimin e shtetit. Sipas tij, nëse partitë nuk arrijnë të krijojnë shumicë edhe pas kaq muajsh, mandatet duhet t’i kthehen popullit. Megjithatë, Krasniqi ka theksuar se para shpalljes së zgjedhjeve të reja, forcat politike duhet të bien dakord mbi disa çështje themelore për të shmangur bllokadat e së ardhmes.

Fjalimi i parë i Bashës si kryetar Kuvendi

Në fjalimin e tij të parë pas zgjedhjes, Basha u shpreh i bindur se Kuvendi do të qëndrojë i bashkuar përballë sfidave që lidhen me dialogun me Serbinë.

“Jam i bindur se, ashtu siç kemi qenë bashkë sa herë ka qenë në pyetje kombi, ashtu do të qëndrojmë edhe përballë Serbisë, e cila mban pretendime territoriale ndaj shtetit tonë. Bëj thirrje për një Serbi të demokratizuar, që njeh Kosovën si shtet të pavarur dhe punon për ndërtimin e gjeneratave mbi tolerancë,” deklaroi ai.

Basha theksoi gjithashtu rëndësinë e ndërtimit të urave të komunikimit dhe bashkëpunimit mes forcave politike në vend. “Si kryetar Kuvendi pres të kemi dallime, sepse e tillë është demokracia. Por, kur në pyetje është interesi kombëtar, duhet të jemi të bashkuar. Pres debat, por gjithmonë të udhëhequr drejt një Kosove të fortë,” u shpreh ai.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Dimal Basha është zgjedhur sot kryetar i Kuvendit të Kosovës, duke marrë 73 vota pro në seancën plenare, ku ishin të pranishëm 115 deputetë. Kandidatura e tij, e propozuar nga Lëvizja Vetëvendosje, mori gjithashtu 30 vota kundër dhe 3 abstenime.

Ky votim i jep fund ngërçit disa mujor për konstituimin e institucioneve të dala nga zgjedhjet parlamentare të 8 shkurtit, të cilat kishin mbetur të bllokuara deri më sot.

Rezultatet e votimit:

  • 73 vota pro

  • 30 vota kundër

  • 3 abstenime

  • 115 deputetë të pranishëm

Kriza institucionale

Procesi i konstituimit të Kuvendit ka qenë i ndalur për muaj të tërë për shkak të pamundësisë së zgjedhjes së kryetarit. Më herët, Gjykata Kushtetuese kishte kujtuar se legjislativi i ri duhet të formohet brenda 30 ditëve nga certifikimi i rezultateve, afat që përfundon më 18 shtator.

Albert Krasniqi nga organizata Demokracia Plus e ka cilësuar këtë situatë si një bllokadë të rrezikshme për funksionimin e shtetit. Sipas tij, nëse partitë nuk arrijnë të krijojnë shumicë edhe pas kaq muajsh, mandatet duhet t’i kthehen popullit. Megjithatë, Krasniqi ka theksuar se para shpalljes së zgjedhjeve të reja, forcat politike duhet të bien dakord mbi disa çështje themelore për të shmangur bllokadat e së ardhmes.

Fjalimi i parë i Bashës si kryetar Kuvendi

Në fjalimin e tij të parë pas zgjedhjes, Basha u shpreh i bindur se Kuvendi do të qëndrojë i bashkuar përballë sfidave që lidhen me dialogun me Serbinë.

“Jam i bindur se, ashtu siç kemi qenë bashkë sa herë ka qenë në pyetje kombi, ashtu do të qëndrojmë edhe përballë Serbisë, e cila mban pretendime territoriale ndaj shtetit tonë. Bëj thirrje për një Serbi të demokratizuar, që njeh Kosovën si shtet të pavarur dhe punon për ndërtimin e gjeneratave mbi tolerancë,” deklaroi ai.

Basha theksoi gjithashtu rëndësinë e ndërtimit të urave të komunikimit dhe bashkëpunimit mes forcave politike në vend. “Si kryetar Kuvendi pres të kemi dallime, sepse e tillë është demokracia. Por, kur në pyetje është interesi kombëtar, duhet të jemi të bashkuar. Pres debat, por gjithmonë të udhëhequr drejt një Kosove të fortë,” u shpreh ai.