Tre persona, mes tyre dy shtetas grekë nga Patra dhe një shqiptar, janë arrestuar gjatë një operacioni antidrogë të realizuar nga Departamenti i Narkotikëve pranë Nëndrejtorisë së Prokurorisë dhe Hetimit të Krimeve të Patras. Operacioni u finalizua me kapjen në flagrancë të të dyshuarve, teksa merrnin tre pako me lëndë narkotike në degën qendrore të Postës Helenike (ELTA), të ardhura nga Tajlanda përmes aeroportit ndërkombëtar “Eleftherios Venizelos”.
Sipas burimeve zyrtare, brenda pakove ndodheshin rreth 1 kilogram marijuanë me një vlerë tregu prej 23 mijë eurosh, e regjistruar me të dhëna marrësish nga Patra. Sapo paketat u tërhoqën nga posta, oficerët e antidrogës ndërhynë dhe i vunë të dyshuarit në pranga.
Njëri nga të arrestuarit është i njohur për autoritetet, pasi dyshohet se është i lidhur me pronësinë e një lokali nate në qytet. Gjatë kontrollit në një apartament të përdorur prej tij, të cilin policia e përshkruan si “banesë mashtruese”, u sekuestruan 36 gram kokainë dhe dy peshore precize elektronike.
Ndërkohë, shtetasi shqiptar rezulton të ketë pasur precedentë të mëparshëm penalë, pasi ishte arrestuar disa ditë më parë për një rast tjetër që lidhej me shpërndarjen e drogës.
Burime policore konfirmuan se hetimet kishin nisur prej më shumë se një muaji, pasi autoritetet greke kishin rënë në gjurmë të aktivitetit kriminal përmes bashkëpunimit me strukturat doganore. Ngarkesa u identifikua që në aeroport dhe u ndoq deri në selinë e ELTA-s në Patra, ku ndodhi edhe arrestimi.
Hetimet po vijojnë për të zbuluar rrjetin e mundshëm të përfshirë në trafikun ndërkombëtar të drogës.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Tre persona, mes tyre dy shtetas grekë nga Patra dhe një shqiptar, janë arrestuar gjatë një operacioni antidrogë të realizuar nga Departamenti i Narkotikëve pranë Nëndrejtorisë së Prokurorisë dhe Hetimit të Krimeve të Patras. Operacioni u finalizua me kapjen në flagrancë të të dyshuarve, teksa merrnin tre pako me lëndë narkotike në degën qendrore të Postës Helenike (ELTA), të ardhura nga Tajlanda përmes aeroportit ndërkombëtar “Eleftherios Venizelos”.
Sipas burimeve zyrtare, brenda pakove ndodheshin rreth 1 kilogram marijuanë me një vlerë tregu prej 23 mijë eurosh, e regjistruar me të dhëna marrësish nga Patra. Sapo paketat u tërhoqën nga posta, oficerët e antidrogës ndërhynë dhe i vunë të dyshuarit në pranga.
Njëri nga të arrestuarit është i njohur për autoritetet, pasi dyshohet se është i lidhur me pronësinë e një lokali nate në qytet. Gjatë kontrollit në një apartament të përdorur prej tij, të cilin policia e përshkruan si “banesë mashtruese”, u sekuestruan 36 gram kokainë dhe dy peshore precize elektronike.
Ndërkohë, shtetasi shqiptar rezulton të ketë pasur precedentë të mëparshëm penalë, pasi ishte arrestuar disa ditë më parë për një rast tjetër që lidhej me shpërndarjen e drogës.
Burime policore konfirmuan se hetimet kishin nisur prej më shumë se një muaji, pasi autoritetet greke kishin rënë në gjurmë të aktivitetit kriminal përmes bashkëpunimit me strukturat doganore. Ngarkesa u identifikua që në aeroport dhe u ndoq deri në selinë e ELTA-s në Patra, ku ndodhi edhe arrestimi.
Hetimet po vijojnë për të zbuluar rrjetin e mundshëm të përfshirë në trafikun ndërkombëtar të drogës.
