Grenell sulmon REL dhe Gjykatën e Hagës: “Po paguajmë për një gjyq të rremë”

E martë, 17 Nëntor, 2026
E martë, 17 Nëntor, 2026

Grenell sulmon REL dhe Gjykatën e Hagës: “Po paguajmë për një gjyq të rremë”

Emisari amerikan për misione të veçanta, Richard Grenell, ka reaguar ashpër ndaj një raportimi të Radios Evropa e Lirë lidhur me procesin gjyqësor ndaj ish-presidentit të Kosovës, Hashim Thaçi.

Në një postim në platformën “X”, Grenell ka akuzuar Radion Evropa e Lirë dhe Gjykatën Speciale në Hagë për keqinformim dhe manipulim, duke theksuar se të dyja financohen nga tatimpaguesit amerikanë.

“Turp për Radion Evropa e Lirë (të financuar nga taksapaguesit amerikanë). Turp për Gjykatën e Hagës (të financuar nga taksapaguesit amerikanë). Kush po i redakton këto histori në RFE/RL? Rreshti i parë thotë ‘Prej dy vitesh’ prokurorët kanë shkuar pas Thaçit. Dy vjet? Jo. Krimet e supozuara janë të vitit 1998. Gjykata filloi në vitin 2016. Thaçi u arrestua në vitin 2020”, shkruan Grenell, duke kërkuar shkarkimin e gazetarit të raportimit në fjalë.

Ai shprehet i indinjuar që SHBA-të po paguajnë për atë që e quan një “gjyq të rremë” dhe “raportim të rremë”.

Aktualisht Zyra e Prokurorit të Specializuar (ZPS) ka përfunduar zyrtarisht fazën e paraqitjes së provave në gjyqin kundër Thaçit dhe tre ish-zyrtarëve të tjerë të lartë të UÇK-së: Kadri Veseli, Rexhep Selimi dhe Jakup Krasniqi. Procesi gjyqësor nisi më 3 prill 2023, ndërsa ata akuzohen për krime kundër njerëzimit dhe krime lufte, të kryera gjatë luftës në Kosovë.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Emisari amerikan për misione të veçanta, Richard Grenell, ka reaguar ashpër ndaj një raportimi të Radios Evropa e Lirë lidhur me procesin gjyqësor ndaj ish-presidentit të Kosovës, Hashim Thaçi.

Në një postim në platformën “X”, Grenell ka akuzuar Radion Evropa e Lirë dhe Gjykatën Speciale në Hagë për keqinformim dhe manipulim, duke theksuar se të dyja financohen nga tatimpaguesit amerikanë.

“Turp për Radion Evropa e Lirë (të financuar nga taksapaguesit amerikanë). Turp për Gjykatën e Hagës (të financuar nga taksapaguesit amerikanë). Kush po i redakton këto histori në RFE/RL? Rreshti i parë thotë ‘Prej dy vitesh’ prokurorët kanë shkuar pas Thaçit. Dy vjet? Jo. Krimet e supozuara janë të vitit 1998. Gjykata filloi në vitin 2016. Thaçi u arrestua në vitin 2020”, shkruan Grenell, duke kërkuar shkarkimin e gazetarit të raportimit në fjalë.

Ai shprehet i indinjuar që SHBA-të po paguajnë për atë që e quan një “gjyq të rremë” dhe “raportim të rremë”.

Aktualisht Zyra e Prokurorit të Specializuar (ZPS) ka përfunduar zyrtarisht fazën e paraqitjes së provave në gjyqin kundër Thaçit dhe tre ish-zyrtarëve të tjerë të lartë të UÇK-së: Kadri Veseli, Rexhep Selimi dhe Jakup Krasniqi. Procesi gjyqësor nisi më 3 prill 2023, ndërsa ata akuzohen për krime kundër njerëzimit dhe krime lufte, të kryera gjatë luftës në Kosovë.