Ka përfunduar procesi i votimit për qytetarët e Kosovës që jetojnë në Diasporë, ndërsa mijëra mërgimtarë kanë shfrytëzuar të drejtën e tyre për të votuar në zgjedhjet parlamentare të 9 shkurtit. Sipas të dhënave të Komisionit Qendror të Zgjedhjeve (KQZ), deri më tani kanë votuar 14,463 qytetarë të regjistruar, pa përfshirë ende të dhënat nga qendrat e votimit në Washington, Ottawa, Toronto dhe New York.
Në total, 20,324 qytetarë të diasporës ishin regjistruar për të votuar në përfaqësitë diplomatike të Kosovës në 19 shtete të botës. Pjesëmarrja e lartë tregon një angazhim të fortë të mërgatës në procesin zgjedhor dhe në përcaktimin e përfaqësuesve të rinj të Kuvendit të Kosovës.
Ndërkohë, në Kosovë, mbi 2 milionë votues kanë të drejtën për të votuar të dielën më 9 shkurt, kur qytetarët do t’i drejtohen kutive të votimit për të zgjedhur përbërjen e re parlamentare. Në garë janë 28 subjekte politike dhe 1280 kandidatë të certifikuar nga KQZ.
Zgjedhjet e sivjetme shënojnë një moment të rëndësishëm për demokracinë kosovare, ku për herë të parë një pjesë e qytetarëve jashtë vendit kanë mundur të votojnë fizikisht në disa nga përfaqësitë diplomatike të Kosovës.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Ka përfunduar procesi i votimit për qytetarët e Kosovës që jetojnë në Diasporë, ndërsa mijëra mërgimtarë kanë shfrytëzuar të drejtën e tyre për të votuar në zgjedhjet parlamentare të 9 shkurtit. Sipas të dhënave të Komisionit Qendror të Zgjedhjeve (KQZ), deri më tani kanë votuar 14,463 qytetarë të regjistruar, pa përfshirë ende të dhënat nga qendrat e votimit në Washington, Ottawa, Toronto dhe New York.
Në total, 20,324 qytetarë të diasporës ishin regjistruar për të votuar në përfaqësitë diplomatike të Kosovës në 19 shtete të botës. Pjesëmarrja e lartë tregon një angazhim të fortë të mërgatës në procesin zgjedhor dhe në përcaktimin e përfaqësuesve të rinj të Kuvendit të Kosovës.
Ndërkohë, në Kosovë, mbi 2 milionë votues kanë të drejtën për të votuar të dielën më 9 shkurt, kur qytetarët do t’i drejtohen kutive të votimit për të zgjedhur përbërjen e re parlamentare. Në garë janë 28 subjekte politike dhe 1280 kandidatë të certifikuar nga KQZ.
Zgjedhjet e sivjetme shënojnë një moment të rëndësishëm për demokracinë kosovare, ku për herë të parë një pjesë e qytetarëve jashtë vendit kanë mundur të votojnë fizikisht në disa nga përfaqësitë diplomatike të Kosovës.
