SHBA/Shqiptarët mbledhin 280 mijë dollar për rikonstruksionin e kullës në Malësi

E martë, 17 Nëntor, 2026
E martë, 17 Nëntor, 2026

SHBA/Shqiptarët mbledhin 280 mijë dollar për rikonstruksionin e kullës në Malësi

Në fshatin Kushe të Hotit në Malësinë e Madhe gjendet kulla tre katëshe sot e braktisur. Kjo kullë mbi 2 shekullore identifikohet si kulla e Bajraktarit , ku ka jetuar Çun Mula pjestari i Lidhjes Shqiptare të Prizrenit. Sot ajo është kthyer në një ngrehin.Por trashëgimtarët e fisit të Bajraktarit kanë ndërmarrë një iniciativë për rikonstruksionin e kullës si dhe kthimin e saj në muze historik e kulturor.

Në llogarinë e hapur në GofundMe janë mbledhur rreth 280 mijë dollarë të dërguar kryesisht nga shqiptarët që jetojnë në Amerikë. Për banorët ky është një lajm i mirë. Ata thonë i janë mirënjohës secilit që ka kontribuar në mbrojtjen e vlerave historike e kulturore. Mbi 1200 metra katror sipërfaqe ne tre kate, bashke me çatine do rikonstruktohen komplet. Gjithashtu, do rinovohet edhe oborri me parkingun dhe ndarjet ndihmese te saj.

Si delegat i Kuvendit të Lidhjes së Prizrenit, Çun Mula kishte rrol të rëndësishëm në drejtimin e vullnetarëve të Lidhjes, të cilët luftuan kundër Malit të Zi në mbrojtje të Plavë e Gucisë në vitin 1879 dhe Hotit e Grudës, në vitin 1880.Rikonstruksioni i kullës bashkë me memorialin që ndodhet në qëndër të fshatit kushtuar masakrës së Hotit të vitit 1919 me 72 të vrarë nga ushtria serbo-malazeze pritet ta kthejnë zonën një atraksion për vizitorët.

 

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Në fshatin Kushe të Hotit në Malësinë e Madhe gjendet kulla tre katëshe sot e braktisur. Kjo kullë mbi 2 shekullore identifikohet si kulla e Bajraktarit , ku ka jetuar Çun Mula pjestari i Lidhjes Shqiptare të Prizrenit. Sot ajo është kthyer në një ngrehin.Por trashëgimtarët e fisit të Bajraktarit kanë ndërmarrë një iniciativë për rikonstruksionin e kullës si dhe kthimin e saj në muze historik e kulturor.

Në llogarinë e hapur në GofundMe janë mbledhur rreth 280 mijë dollarë të dërguar kryesisht nga shqiptarët që jetojnë në Amerikë. Për banorët ky është një lajm i mirë. Ata thonë i janë mirënjohës secilit që ka kontribuar në mbrojtjen e vlerave historike e kulturore. Mbi 1200 metra katror sipërfaqe ne tre kate, bashke me çatine do rikonstruktohen komplet. Gjithashtu, do rinovohet edhe oborri me parkingun dhe ndarjet ndihmese te saj.

Si delegat i Kuvendit të Lidhjes së Prizrenit, Çun Mula kishte rrol të rëndësishëm në drejtimin e vullnetarëve të Lidhjes, të cilët luftuan kundër Malit të Zi në mbrojtje të Plavë e Gucisë në vitin 1879 dhe Hotit e Grudës, në vitin 1880.Rikonstruksioni i kullës bashkë me memorialin që ndodhet në qëndër të fshatit kushtuar masakrës së Hotit të vitit 1919 me 72 të vrarë nga ushtria serbo-malazeze pritet ta kthejnë zonën një atraksion për vizitorët.