Djali i kryebashkiakut Eric Adams po ndjek ëndrrat e tij për tu bërë një artist ndërkombëtar duke kaluar nga Shqipëria. Kështu nis artikullin “Nypost” për Jordan Coleman, i njohur si reperi “Jayoo” . Ai u ngjit në skenë e festivalit ‘Kënga Magjike’ mbrëmjen e së mërkurës.
Coleman mbante veshur syze dielli të zeza dhe doli pa bluzë për performancën e tij në skenë.
Ende nuk dihet nëse kryebashkiaku Adams, i cili nuk e ka me qejf pasionin e djalit, të jetë pajtuar me veprimet e fundit ndërsa nuk ka pasur asnjë reagim as nga Bashkia e New Yorkut.
Coleman, i cili aktualisht punon në departamentin e filmit në Jay-Z’s Roc Nation, ka muaj që po reklamon paraqitjen e tij të ardhshme në konkursin e këndimit në Ballkan.
“Po kërkoj të jem një artist ndërkombëtar rap, ky ishte një hap i madh në atë drejtim”, shkroi ai në një postim në Instagram pas performancës së tij fillestare në shtator.