Komuniteti shqiptar i Selanikut ka njoftuar se do të organizojë fushatën e shtatë të dhurimit të gjakut. Komiteti Drejtues i KSHS nëpërmjet një njoftimi publik i bën thirrje komunitetit që si në fushatat e mëparshme, të marrin pjesë sa më shumë njerëz.
Njoftimi i plotë:
Të dashur anëtarë të Komunitetit Shqiptar të Selanikut,
në ditët e vështira që po jetojmë, në spitalet ku kurohen edhe shumë nga patriotët tanë, ka nevojë për gjak.
Komiteti Drejtues i KSHS organizon fushatën e 7-të të dhurimit të gjakut dhe ju bëjmë thirrje që, ashtu si edhe në fushatat e mëparshme, të marrin pjesë sa më shumë anëtarë të Komunitetit tonë.
Dhurimi i gjakut do bëhet në datat 9 edhe 10 KORRIK 2022, dhe ora 09.00 deri 12.00, në Spitalin Universitar ΑΧΕΠΑ të Selanikut.
Dhuruesit duhet të kenë me vete kartë identiteti ose pasaportë, si edhe nr. Amka të tyre.
Në dokumentin që do të plotësoni para se të jepni gjak, duhet të shkruani :
Αλβανική Κοινότητα της Θεσσαλονίκης, Αρ. Μητρώου 15377
JU FTOJMË TË JAPIM NDIHMESËN TONË
“Dhuroj Jetë, e kam në Gjak”
“Δίνω Ζωή, το ‘χω στο Αίμα μου”
Për më shumë informacion mund të komunikoni me Departamentin e Shëndetësisë së Komunitetit Shqiptar të Selanikut.
Tel: 6942510314
E-mail [email protected]
KOMUNITETI SHQIPTAR I SELANIKUT
Selanik, 30 qershor 2022

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.



