Në kuadër të Programit “Angazhimi i Diasporës Shqiptare në zhvillimin social dhe ekonomik të Shqipërisë”, më 5 Shkurt 2021 ora lokale 10:00, IOM Albania vijon me prezantimin online të “Connect Albania, Një Mekanizëm i Ri për të Investuar në Shqipëri“.
“Connect Albania” synon të angazhojë anëtarët e Diasporës Shqiptare në të gjithë botën si Agjentë Zhvillimi, me një fokus të veçantë, në fazën e tij të parë, në Diasporën Shqiptare që jeton në Itali, duke marrë parasysh që Programi i Diasporës IOM financohet nga Qeveria Italiane. Përmes “Connect Albania”, anëtarët e Diasporës do të tërheqin investimet e huaja në vendin e tyre.
5 shkurti konsiderohet një datë e rëndësishme për ata që janë të interesuar të zbulojnë potencialin e programit të ri “Connect Albania”, në veçanti për ata anëtarë të Diasporës Shqiptare që janë të interesuar të veprojnë si Agjentë Zhvillimi si dhe për investitorë të mundshëm, të cilët do të ketë mundësinë për të marrë një pamje të qartë të mundësive të ndryshme të investimeve në Shqipëri – prezantuar nga Përfaqësuesit e Lartë të Qeverisë Shqiptare.
për të ndjekur eventin live kliko këtu: https://live.kudoway.eu/ad/220217626104
Eventi do të fokusohet në:
1) Shërbime të Kualifikuara të Sektorit të Tretë (Arkitektura dhe Inxhinieria, Menaxhimi i Korporatave, Logjistika & Shpërndatrja)
2) Turizmi
3) Ekonomia e Gjelbër
Gjatë eventit online, audienca do të ketë gjithashtu mundësinë të mësojë më shumë për platformën dixhitale dhe rregulloren e programit “Connect Albania”.
Shqipëria ka pasur përherë një marrëdhënie të fortë me Italinë. Marrëdhëniet e shkëlqyera mes dy vendeve bazohen mbi themele të forta historike, kulturore e ekonomike dhe përforcohen nga prania në Itali e mbi 500 mijë qytetarëve me origjinë shqiptare. Italia mikpret Arbëreshët. një nga bashkësitë më të mëdha të diasporës shqiptare jashtë Shqipërisë. Kjo bashkësi, origjina e së cilës daton në shekullin XV, zhvillon një funksion thelbësor lidhjeje mes “dy popujve përballë”.
Sipas Institutit Shqiptar të Statistikave, tregtia me Italinë përfaqëson 36.2% të vëllimit të përgjithshëm të tregtisë. Në 2019 më shumë se 700 kompani të vogla dhe të mesme Italo-Shqiptare në territorin shqiptar, 48% e eksporteve shqiptare u drejtuan në Itali, ndërsa Shqipëria importoi 25% të importeve totale nga Italia.
Lexo më shumë për “Connect Albania”
Pavarësisht ngadalësimit të përkohshëm, të shkaktuar nga pandemia Covid-19, sipas Bankës Botërore, ekonomia shqiptare do të rimëkëmbet në 2021 me një normë rritjeje prej rreth 5%, duke vazhduar kështu trendin pozitiv të 10 viteve të fundit, gjatë së cilës, vendi ka njohur një rritje të jashtëzakonshme. Në veçanti, që nga viti 2013, bazuar në studimin e “Groëth Lab International Center for Development at Harvard University”, rritja për frymë është përshpejtuar, rritje konstante, rreth 3.5% të PBB vjetore të Shqipërisë. Në përgjithësi, vendi ka stabilitet makroekonomik, mbështetur nga një treg bankar dhe financiar që ka treguar qëndrueshmëri dhe aftësi për t’i rezistuar krizave.
Në vite qeveria shqiptare është angazhuar të krijojë një klimë të favorshme për sipërmarrjen, duke miratuar një seri reformash fiskale e legjislative të cilat, bashkë me marrëveshjet e shkëmbimit të lirë për hyrjen e produkteve shqiptare në tregjet kryesore të BE-së, synojnë të tërheqin investime potenciale e sipërmarrës, interesi i të cilëve ka ardhur në rritje në një seri të gjerë sektorësh si industria përpunuese, agroindustria, energjitë e rinovueshme, shëndetësia, turizmi e energjitë e reja. Në kuadrin e këtyre të fundit Shqipëria, pas Francës e Maltës, është një prej pak vendeve në Evropë që ka adoptuar teknologjinë “Blokchain” brenda një kornize krejtësisht të rregulluar e në përputhje me direktivat e BE-së në sektorin financiar. Sipas projektimesh në 10 vitet e ardhshme “inovacionet teknologjiike” të lidhura me përdorimin e kontratave informatike “smart contracts” e të Blockchain do të revolucionojnë gjithë sektorët e tregjet për sipërmarrjen.
Lexo edhe: “Connect Albania” programi ambicioz për angazhimin e Diasporës në vendlindje
Sot mbi të gjitha, në kontekstin e krizës prej Covid-19 që po përjetojmë, për vendet e BE-së e Italinë në veçanti Shqipëria përfaqëson një mundësi të vërtetë në gjeografinë ekonomike evropiane si derë hyrëse drejt tregut ballkanik dhe si vend ku kostot e punës janë konkurruese. Pandemia globale ka nxjerrë në pah cënueshmëri që kanë nevojë për një ndryshim perspektive në rimodulimin e modelit aktual të biznesit. Rimodulimi mund të prekë aktivitetet prodhuese, të cilat do synojnë drejt rajonalizimit.
Në këtë skenar IOM Albania ka përballuar sfidën për të mbështetur përfshirjen e Diasporës shqiptare për të nxitur zhvillimin e Shqipërisë përmes implementimit të një mekanizmi inovativ e tërësisht online të quajtur “Connect Albania”, i cili ka për qëllim t’i japë një shtysë të mëtejshme investimeve në Vendin e Shqiponjave. Përmes “Connect Albania”-s, anëtarët e Diasporës shqiptare mund të kthejnë në të dobishme për veten e atdheun njohjet e përvojat e tyre duke vepruar si “Agjentë Zhvillimi”, funksion në të cilin mund të përfaqësojnë e shoqërojnë sipërmarrje e investitorë potencialë të cilët duan të hapin sipërmarrje në Shqipëri në mënyrë të shpejtë, efikase dhe në përputhje me legjislacionin shqiptar në fuqi.
Mekanizmi i investimeve “Connect Albania” është pjesë thelbësore e programit “Angazhimi i Diasporës Shqiptare në Zhvillimin Social dhe Ekonomik të Shqipërisë”, i zbatuar nga IOM Albania me kontributin financiar dhe mbështetjen e Ministrisë italiane të Punëve të Jashtme dhe Bashkëpunim Ndërkombëtar dhe në koordinim të ngushtë me Ministrinë e Shtetit për Diasporën, si dhe Ministrinë për Evropën dhe Punët e Jashtme, Ministrinë e Financave dhe Ekonomisë, përmes Agjencisë Shqiptare të Zhvillimit të Investimeve (AIDA) dhe Agjencisë Italiane të Bashkëpunit për Zhvillim (AICS) në Tiranë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
