Sopranoja e njohur shqiptare Ermonela Jaho renditet e para në listën zyrtare të Muzikës Klasike të Gramaphone, me albumin e saj “Anima Rara”. Lista bazohet në shitjet e CD-ve dhe formateve të tjerë gjatë një periudhe shtatë ditore.
Lajmi është bërë i ditur nga vet shqiptarja Jaho nëpërmjet një postimi në Facebook, ku shkruan se është e lumtur për faktin se ka arritur te jetë e para në këtë listë.
“Shumë e lumtur që jam numri 1 në Listën Zyrtare të Muzikes Klasike të Gramaphon”, ka shkruar Ermonela Jaho.