Hapet në Selanik ekspozita “Rrugëtim n’Art” e Vasil Mihos

E martë, 17 Nëntor, 2026
E martë, 17 Nëntor, 2026

Hapet në Selanik ekspozita “Rrugëtim n’Art” e Vasil Mihos

Një ndërthurje e veçantë mes përvojës personale dhe identitetit kulturor shqiptar vjen përmes ekspozitës “Rrugëtim n’Art” të artistit korçar Vasil Miho, e cila është çelur në ambientet e Konsullatës së Përgjithshme të Shqipërisë në Selanik.

Ekspozita përmbledh një cikël punimesh të realizuara ndër vite, ku artisti pasqyron rrugëtimin e tij në emigracion, paralelisht me zhvillimin në artin dekorativ. Përmes krijimtarisë së tij, Miho sjell një reflektim të ndjeshëm mbi jetën larg vendlindjes dhe lidhjen e fortë me rrënjët kulturore.

“Rrugëtimi im në emigracion ka ecur gjithmonë paralel me artin. Përmes teknikave dekorative, sidomos asaj të letrës, kam arritur të shpreh ndjenjat dhe përvojat e mia”, shprehet artisti.

Një element dallues i ekspozitës është përdorimi i teknikës së njohur si “papier-mâché”, e cila zakonisht përdoret në teatër dhe në teatrin e kukullave, por që në këtë rast transformohet në forma bashkëkohore artistike. Punimet përfshijnë tema të larmishme, nga nostalgjia e jetës tradicionale korçare deri te botëkuptimi i fëmijërisë, i pasuruar me elementë cirku.

Në ekspozitë paraqiten gjithashtu maska klasike dhe figura të njohura artistike, si personazhi i Don Kishoti, të cilat vijnë edhe si koncepte për projekte të ardhshme skulpturore monumentale.

Ekspozita ka tërhequr interesin e profesionistëve të artit dhe një publiku të gjerë, veçanërisht të komunitetit shqiptar që jeton prej vitesh në Selanik. Ajo përfaqëson jo vetëm një prezantim artistik, por edhe një urë lidhëse mes kulturës shqiptare dhe diasporës.

Vasil Miho, me origjinë nga Korça dhe aktiv në Selanik, është tashmë pjesë e rëndësishme e jetës kulturore lokale, duke sjellë përmes artit të tij një dialog të vazhdueshëm mes kujtesës, identitetit dhe përvojës së emigracionit.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Një ndërthurje e veçantë mes përvojës personale dhe identitetit kulturor shqiptar vjen përmes ekspozitës “Rrugëtim n’Art” të artistit korçar Vasil Miho, e cila është çelur në ambientet e Konsullatës së Përgjithshme të Shqipërisë në Selanik.

Ekspozita përmbledh një cikël punimesh të realizuara ndër vite, ku artisti pasqyron rrugëtimin e tij në emigracion, paralelisht me zhvillimin në artin dekorativ. Përmes krijimtarisë së tij, Miho sjell një reflektim të ndjeshëm mbi jetën larg vendlindjes dhe lidhjen e fortë me rrënjët kulturore.

“Rrugëtimi im në emigracion ka ecur gjithmonë paralel me artin. Përmes teknikave dekorative, sidomos asaj të letrës, kam arritur të shpreh ndjenjat dhe përvojat e mia”, shprehet artisti.

Një element dallues i ekspozitës është përdorimi i teknikës së njohur si “papier-mâché”, e cila zakonisht përdoret në teatër dhe në teatrin e kukullave, por që në këtë rast transformohet në forma bashkëkohore artistike. Punimet përfshijnë tema të larmishme, nga nostalgjia e jetës tradicionale korçare deri te botëkuptimi i fëmijërisë, i pasuruar me elementë cirku.

Në ekspozitë paraqiten gjithashtu maska klasike dhe figura të njohura artistike, si personazhi i Don Kishoti, të cilat vijnë edhe si koncepte për projekte të ardhshme skulpturore monumentale.

Ekspozita ka tërhequr interesin e profesionistëve të artit dhe një publiku të gjerë, veçanërisht të komunitetit shqiptar që jeton prej vitesh në Selanik. Ajo përfaqëson jo vetëm një prezantim artistik, por edhe një urë lidhëse mes kulturës shqiptare dhe diasporës.

Vasil Miho, me origjinë nga Korça dhe aktiv në Selanik, është tashmë pjesë e rëndësishme e jetës kulturore lokale, duke sjellë përmes artit të tij një dialog të vazhdueshëm mes kujtesës, identitetit dhe përvojës së emigracionit.