27 vjet nga nisja e bombardimeve të NATO-s mbi Kosovë

E martë, 17 Nëntor, 2026
E martë, 17 Nëntor, 2026

27 vjet nga nisja e bombardimeve të NATO-s mbi Kosovë

Sot shënohet 27-vjetori i fillimit të fushatës së bombardimeve të NATO-s ndaj caqeve ushtarake dhe policore serbe në Kosovë një ndërhyrje që synonte ndaljen e dhunës së forcave serbe ndaj shqiptarëve në Kosovë.

Bombardimet nisën më 24 mars 1999 dhe zgjatën 78 ditë, pas dështimit të përpjekjeve të komunitetit ndërkombëtar për të bindur ish-liderin serb, Sllobodan Millosheviq, të pranonte një armëpushim.

“Asnjëherë nuk kemi kërkuar luftë, por nëse presidenti Millosheviq nuk është i gatshëm të bëjë paqe, ne jemi të gatshëm të kufizojmë aftësinë e tij për të bërë luftë kundër kosovarëve”, deklaronte në atë kohë presidenti amerikan, Bill Clinton.

Vendimi për nisjen e sulmeve ajrore u autorizua nga Sekretari i Përgjithshëm i NATO-s, Javier Solana, duke shënuar herën e parë që Aleanca përdorte forcë ushtarake pa miratimin e Këshillit të Sigurimit të OKB-së.

Fushata ajrore përfshiu rreth 1.000 avionë, të cilët operuan nga bazat në Itali dhe Gjermani, si dhe nga aeroplanmbajtësja “USS Theodore Roosevelt” në Detin Adriatik. Gjatë operacionit u kryen mbi 38.000 fluturime, prej të cilave 10.484 ishin sulmuese, pa asnjë humbje jete në radhët e aleatëve.

Goditjet ajrore shkaktuan dëme të mëdha në infrastrukturën ushtarake dhe strategjike të Serbisë, Malit të Zi dhe Kosovës, duke përfshirë kazermat, sistemet e mbrojtjes ajrore, rrjetet e komandës dhe kontrollit, si dhe infrastrukturën energjetike dhe të komunikimit.

Në përfundim të fushatës, presidenti Clinton deklaroi se kërkesat e komunitetit ndërkombëtar ishin përmbushur, përfshirë tërheqjen e forcave serbe nga Kosova, vendosjen e një force ndërkombëtare të sigurisë të udhëhequr nga NATO dhe kthimin e refugjatëve në shtëpitë e tyre.

“Mund t’i raportoj popullit amerikan se kemi arritur fitore – për një botë më të sigurt, për vlerat tona demokratike dhe për një Amerikë më të fortë”, u shpreh ai.

Bombardimet u ndërprenë një ditë pas nënshkrimit të Marrëveshjes së Kumanovës, e cila parashikonte tërheqjen e forcave jugosllave nga Kosova dhe vendosjen e një misioni paqeruajtës ndërkombëtar të udhëhequr nga NATO.

Sipas marrëveshjes, Beogradit iu dhanë 11 ditë për të tërhequr rreth 40.000 trupa nga territori i Kosovës.

Më 12 qershor 1999 nisi dislokimi i KFOR-it, i cili fillimisht përbëhej nga rreth 50.000 trupa. Sot, ky mision përfshin 4.767 ushtarë nga 33 vende të botës.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Sot shënohet 27-vjetori i fillimit të fushatës së bombardimeve të NATO-s ndaj caqeve ushtarake dhe policore serbe në Kosovë një ndërhyrje që synonte ndaljen e dhunës së forcave serbe ndaj shqiptarëve në Kosovë.

Bombardimet nisën më 24 mars 1999 dhe zgjatën 78 ditë, pas dështimit të përpjekjeve të komunitetit ndërkombëtar për të bindur ish-liderin serb, Sllobodan Millosheviq, të pranonte një armëpushim.

“Asnjëherë nuk kemi kërkuar luftë, por nëse presidenti Millosheviq nuk është i gatshëm të bëjë paqe, ne jemi të gatshëm të kufizojmë aftësinë e tij për të bërë luftë kundër kosovarëve”, deklaronte në atë kohë presidenti amerikan, Bill Clinton.

Vendimi për nisjen e sulmeve ajrore u autorizua nga Sekretari i Përgjithshëm i NATO-s, Javier Solana, duke shënuar herën e parë që Aleanca përdorte forcë ushtarake pa miratimin e Këshillit të Sigurimit të OKB-së.

Fushata ajrore përfshiu rreth 1.000 avionë, të cilët operuan nga bazat në Itali dhe Gjermani, si dhe nga aeroplanmbajtësja “USS Theodore Roosevelt” në Detin Adriatik. Gjatë operacionit u kryen mbi 38.000 fluturime, prej të cilave 10.484 ishin sulmuese, pa asnjë humbje jete në radhët e aleatëve.

Goditjet ajrore shkaktuan dëme të mëdha në infrastrukturën ushtarake dhe strategjike të Serbisë, Malit të Zi dhe Kosovës, duke përfshirë kazermat, sistemet e mbrojtjes ajrore, rrjetet e komandës dhe kontrollit, si dhe infrastrukturën energjetike dhe të komunikimit.

Në përfundim të fushatës, presidenti Clinton deklaroi se kërkesat e komunitetit ndërkombëtar ishin përmbushur, përfshirë tërheqjen e forcave serbe nga Kosova, vendosjen e një force ndërkombëtare të sigurisë të udhëhequr nga NATO dhe kthimin e refugjatëve në shtëpitë e tyre.

“Mund t’i raportoj popullit amerikan se kemi arritur fitore – për një botë më të sigurt, për vlerat tona demokratike dhe për një Amerikë më të fortë”, u shpreh ai.

Bombardimet u ndërprenë një ditë pas nënshkrimit të Marrëveshjes së Kumanovës, e cila parashikonte tërheqjen e forcave jugosllave nga Kosova dhe vendosjen e një misioni paqeruajtës ndërkombëtar të udhëhequr nga NATO.

Sipas marrëveshjes, Beogradit iu dhanë 11 ditë për të tërhequr rreth 40.000 trupa nga territori i Kosovës.

Më 12 qershor 1999 nisi dislokimi i KFOR-it, i cili fillimisht përbëhej nga rreth 50.000 trupa. Sot, ky mision përfshin 4.767 ushtarë nga 33 vende të botës.