Britani/ Nis regjistrimi i nxënësve në Shkollën Shqipe “Pavarësia” në Sheffield

E martë, 17 Nëntor, 2026
E martë, 17 Nëntor, 2026

Britani/ Nis regjistrimi i nxënësve në Shkollën Shqipe “Pavarësia” në Sheffield

Shkolla Shqipe “Pavarësia” në Sheffield do të nisë më 5 shtator vitin e ri shkollor 2026–2027, duke vijuar misionin e saj në ruajtjen dhe transmetimin e gjuhës shqipe dhe të trashëgimisë kulturore shqiptare te brezi i ri i diasporës.

Dita e parë e mësimit do të zhvillohet të shtunën, më 5 shtator 2026, nga ora 10:00 deri në 12:00. Në bankat e shkollës pritet të rikthehen fëmijë shqiptarë nga Sheffield dhe zonat përreth të South Yorkshire, për të nisur një tjetër vit të përkushtuar ndaj mësimit të gjuhës dhe njohjes me kulturën shqiptare.

Për komunitetin shqiptar në Sheffield, shkolla përbën një hapësirë të rëndësishme për ruajtjen e lidhjes së brezit të ri me gjuhën e origjinës. Përmes mësimit të shqipes, si dhe njohjes me historinë, traditat dhe kulturën shqiptare, synohet që fëmijët e rritur në diasporë të ruajnë një lidhje të qëndrueshme me identitetin dhe trashëgiminë e tyre.

Në prag të nisjes së vitit të ri shkollor, drejtuesit e Shkollës Shqipe “Pavarësia” u bëjnë thirrje prindërve shqiptarë në Sheffield dhe South Yorkshire që t’i regjistrojnë fëmijët e tyre dhe t’i përfshijnë në procesin e mësimit të gjuhës shqipe.

“Edhe larg atdheut, le t’u mësojmë fëmijëve tanë të flasin shqip, të lexojnë shqip dhe të njohin historinë e kulturën e tyre”, thuhet në mesazhin e shkollës drejtuar komunitetit.

Viti i ri shkollor synon të jetë një tjetër mundësi për të forcuar përdorimin e gjuhës shqipe te fëmijët e diasporës, por edhe për të krijuar një mjedis ku ata mund të ndërtojnë marrëdhënie me bashkëmoshatarët dhe të zhvillojnë një ndjenjë më të fortë përkatësie ndaj trashëgimisë së tyre kulturore.

Shkolla Shqipe “Pavarësia” fton familjet shqiptare të bëhen pjesë e këtij rrugëtimi dhe të investojnë në ruajtjen e gjuhës së të parëve te brezat që rriten larg atdheut.

Dita e parë e mësimit: 5 shtator 2026
Ora: 10:00–12:00
Vendndodhja: Shkolla Shqipe “Pavarësia”, Sheffield

 

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Shkolla Shqipe “Pavarësia” në Sheffield do të nisë më 5 shtator vitin e ri shkollor 2026–2027, duke vijuar misionin e saj në ruajtjen dhe transmetimin e gjuhës shqipe dhe të trashëgimisë kulturore shqiptare te brezi i ri i diasporës.

Dita e parë e mësimit do të zhvillohet të shtunën, më 5 shtator 2026, nga ora 10:00 deri në 12:00. Në bankat e shkollës pritet të rikthehen fëmijë shqiptarë nga Sheffield dhe zonat përreth të South Yorkshire, për të nisur një tjetër vit të përkushtuar ndaj mësimit të gjuhës dhe njohjes me kulturën shqiptare.

Për komunitetin shqiptar në Sheffield, shkolla përbën një hapësirë të rëndësishme për ruajtjen e lidhjes së brezit të ri me gjuhën e origjinës. Përmes mësimit të shqipes, si dhe njohjes me historinë, traditat dhe kulturën shqiptare, synohet që fëmijët e rritur në diasporë të ruajnë një lidhje të qëndrueshme me identitetin dhe trashëgiminë e tyre.

Në prag të nisjes së vitit të ri shkollor, drejtuesit e Shkollës Shqipe “Pavarësia” u bëjnë thirrje prindërve shqiptarë në Sheffield dhe South Yorkshire që t’i regjistrojnë fëmijët e tyre dhe t’i përfshijnë në procesin e mësimit të gjuhës shqipe.

“Edhe larg atdheut, le t’u mësojmë fëmijëve tanë të flasin shqip, të lexojnë shqip dhe të njohin historinë e kulturën e tyre”, thuhet në mesazhin e shkollës drejtuar komunitetit.

Viti i ri shkollor synon të jetë një tjetër mundësi për të forcuar përdorimin e gjuhës shqipe te fëmijët e diasporës, por edhe për të krijuar një mjedis ku ata mund të ndërtojnë marrëdhënie me bashkëmoshatarët dhe të zhvillojnë një ndjenjë më të fortë përkatësie ndaj trashëgimisë së tyre kulturore.

Shkolla Shqipe “Pavarësia” fton familjet shqiptare të bëhen pjesë e këtij rrugëtimi dhe të investojnë në ruajtjen e gjuhës së të parëve te brezat që rriten larg atdheut.

Dita e parë e mësimit: 5 shtator 2026
Ora: 10:00–12:00
Vendndodhja: Shkolla Shqipe “Pavarësia”, Sheffield