Fundi i janarit e gjeti violinistin me origjinë shqiptare Jonian-Ilias Kadesha në skenë me Orkestrën Shtetërore të Athinës, në një koncert nën dirigjimin e Stefanos Tsialis, kushtuar 100-vjetorit të lindjes së Pierre Boulez. Pjesë e turit të tij europian, ky ishte i vetmi koncert i parashikuar në qytetin e tij të lindjes. Komentet për talentin e tij nuk kurksene “Një talent shumë i rrallë…” thotë Salvatore Accardo.
“Inteligjent, origjinal dhe bindës, me shije të madhe muzikore dhe prezencë të fortë në skenë!” thekson Hatto Beyerle.
Jonian-Ilias Kadesha, fitues i pesë konkurseve ndërkombëtare në muzikë solo dhe dhomës gjatë tre viteve të fundit, po afirmohet shpejt si një nga muzikantët më premtues dhe interesantë të brezit të ri.
Së fundmi, ai u bë finalist dhe fitues i një çmimi special në të njohurin “German Music Competition” në Lübeck dhe ka marrë shumë ftesa koncertale në Gjermani për sezonin 2016/2017. Në vitin 2013, ai mori Çmimin e Dytë, Çmimin e Publikut dhe Çmimin për Muzikën e Dhomës në “8th International Leopold Mozart Violin Competition” në Augsburg.
Me trio-n e tij, GASPARD, Kadesha ka fituar çmime të para dhe çmime speciale në “International Joseph Joachim Chamber Music Competition” në Weimar dhe në “International Joseph Haydn Chamber Music Competition” në Vjenë. Së bashku me pianistin Florian Glemser, ai mori Çmimin e Dytë në “International Duo Competition” në Suedi.
I lindur në Athinë më 1992, violinisti shqiptar-grek mori mësimet e para të violinës nga babai i tij në moshën katër vjeç. Në vitin 2005, në moshën 13-vjeçare, u diplomua në Konservatorin “Linda Leussi” në Athinë me medalje të artë. Ai vijoi studimet në Hochschule für Musik Würzburg me Prof. Grigori Zhislin, ku mori Diplomën Artistike në 2013. Aktualisht po ndjek Masterin me Prof. Ulf Wallin në Hanns Eisler Academy of Music në Berlin.
Kadesha ka studiuar gjithashtu me Salvatore Accardo në Accademia Walter Stauffer në Cremona dhe ka përfituar nga shumë masterklase me muzikantë të njohur si Leonidas Kavakos, Steven Isserlis, Ferenc Rados, Hatto Beyerle, Gerhard Schulz, Renaud Capuçon, Gábor Takács-Nagy, Peter Nagy, Johannes Meissl (Artis Quartet), Avedis Kouyoumdjian dhe Juilliard String Quartet.
Debutimi i tij si solist u bë në vitin 2004, në moshën 12 vjeç, me koncertin e dytë për violinë të Wieniawskit në Teatro dei Rozzi në Siena, me Orkestrën della Toscana nën drejtimin e Giampaolo Bisanti. Që atëherë, ai ka luajtur me orkestra të njohura si Munich Radio Orchestra, Greek Radio Orchestra, Würzburg Chamber Orchestra, Lübeck Philharmonic Orchestra, Athens City Symphony Orchestra, Albanian Radio Orchestra, Athens State Symphony Orchestra, Kosovo Philharmonic Orchestra, Thessaloniki State Symphony Orchestra dhe Monteverdi Chamber Orchestra. Ai ka bashkëpunuar me dirigjentë si Bruno Weil, Alberto Lysy, Ari Rasilainen, Michalis Economou, Christopher Franklin dhe Claudio Büchler.
Koncertet dhe recitalet e tij e kanë çuar Kadeshën në skena të rëndësishme evropiane si Megaron Mousikis në Athinë, Salle Garnier në Monte Carlo, Wigmore Hall në Londër, Teatro dei Rozzi në Siena, San Barnaba në Brescia dhe Goldener Saal në Augsburg. Performancat e tij janë transmetuar nga BR, Deutschlandradio, SWR, ORF, RAI dhe kanale televizive në Greqi e Shqipëri.
Si muzikant i përkushtuar në muzikën e dhomës, ai ka bashkëpunuar me emra si Gidon Kremer, Salvatore Accardo, Steven Isserlis, Kim Kashkashian, Bruno Giuranna dhe Renaud Capuçon. Ai ka marrë pjesë në festivale dhe projekte të rëndësishme si Progetto Martha Argerich, Norfolk and Norwich Festival, Northern Chords Festival, DAVOS FESTIVAL, Engadin Festival, Settimane Musicali, PODIUM Festival Esslingen, Amati Festival, Omaggio a Cremona, Montebello Chamber Music Festival dhe Bel Air Festival.
Jonian-Ilias Kadesha është bashkëthemelues i Trio GASPARD, një trio pianosoliste ndërkombëtare e vlerësuar kritikisht, fituese e konkurseve Haydn dhe Joachim. Ai performon rregullisht në Gjermani, Angli, Francë dhe Kore të Jugut, në skena të njohura si Wigmore Hall në Londër, Schönbrunn Palace në Vjenë dhe Salle Molière në Lyon. Ai luan me violinë Niccolò Gagliano (Napoli, shekulli XVIII), e cila i është dhënë me huazim nga Deutsche Stiftung Musikleben, dhe me një kopje të Guarneri del Gesù 1733 nga Svetozar Bogdanoski, e sponsorizuar nga Costopoulos Cultural Foundation në Athinë.



