Nga Anila Kadija
Pas suksesit të jashtëzakonshëm të festimit të parë në vitin 2025, “Nata e Kadaresë” kthehet për edicionin e saj të dytë në vitin 2026, duke vazhduar një traditë vjetore që nderon trashëgiminë letrare të Ismail Kadaresë dhe shërben si një ngjarje kryesore globale për Shoqatën Britanike-Shqiptare të Kulturës dhe Arteve.
Njarja do të mbahet këtë të premte, 30 janar 2026 ora18:00 në Kishën e Shën Gabrielit, Victoria. Londër SW1V 2AD.
Ky program u përpunua nga Altin Gjoni drejtues artistik dhe instrumentist në veglën e kitarës. Sara Payman – Vokaliste, Mariela Cingo – Piano, Peadar Connolly – Vokal dhe harpë, Mircha Ivens – Vokal, Loresa Leka – Vokal dhe recitim, Greta Pope – Violinë, Amadea Topalli – Saksofon, The Cellos – Duo Akustike, Tomorr Kokona – Koreografe, Anila Kadija – pjesë nga “ Kronikë në gurë”, Alma Verija Panajoti – Poezi, Mara Zjarri – Poezi.
Nata e parë e Kadaresë ishte me një pjesëmarrje të jashtëzakonshme, duke bashkuar një audiencë të plotë artistësh, shkrimtarësh, muzikantësh dhe anëtarësh të komunitetit kulturor shqiptar dhe më gjerë, së bashku me personalitete të shquara nga të dy vendet. Përtej suksesit artistik, edicioni i parë u shndërrua në një nderim përkujtimor ndaj Kadaresë por edhe një okazion bamirësije.
Nëpërmjet bujarisë së pjesëmarrësve dhe mbështetësve, eventi i parë mblodhi mjaftueshëm fonde për të blerë një automjet transporti mjekësor shumë të nevojshëm për Klinikën Mjekësore të Fushë-Arrëzit në veri të Shqipërisë.
Çfarë do të prisni në Natën e Kadaresë? – Një mbrëmje e kuruar që feston trashëgiminë letrare dhe kulturore të Ismail Kadaresë – Performanca live nga muzikantë dhe artistë të njohur shqiptarë – Të ftuar nderi nga bota e kulturës, arteve dhe jetës publike – Një përzgjedhje e kënaqësive autentike të kuzhinës shqiptare – Mundësia për të bërë dhurim përmes pjesës së Mbledhjes së Fondeve të eventit – Një program kulturor i rafinuar që përzien letërsinë, muzikën, rrëfimin e historive dhe lëvizjen – Mundësi për rrjetëzim profesional, kulturor dhe komunitar – Një vazhdim i misionit të Natës së Kadaresë për të bashkuar përsosmërinë artistike me ndikim domethënës shoqëror Edicioni i këtij viti do të mbahet në Kishën e bukur dhe historike të Shën Gabrielit në Victoria, Londër.
Nuk na mbetet tjetë t’ju presim dhe të ndajmë së bashku këtë natë magjike me artistët në Londër.



