Vuçiç refuzon vizitën e PE, Picula kundërshton: “Serbia shmang dialogun”

E martë, 17 Nëntor, 2026
E martë, 17 Nëntor, 2026

Vuçiç refuzon vizitën e PE, Picula kundërshton: “Serbia shmang dialogun”

Presidenti i Serbisë, Aleksandër Vuçiç, deklaroi nga Emiratet e Bashkuara Arabe se nuk do të priste një delegacion të Parlamentit Evropian në Beograd, duke pretenduar se përfaqësuesit e PE po vinin “të paftuar”.

Kjo deklaratë u kundërshtua menjëherë nga raportuesi i PE për Serbinë, Tonino Picula, i cili e quajti pretendimin e Vuçiçit të pabazuar. Sipas tij, ambasada e Serbisë në Bruksel ishte informuar për vizitën.

“Është praktikë e zakonshme e Parlamentit Evropian dhe nuk ka asgjë të jashtëzakonshme në këtë vizitë. Qëllimi ynë është të zhvillojmë biseda të drejtpërdrejta me ata që pasqyrojnë gjendjen shpirtërore të qytetarëve të Serbisë, për të krijuar një pasqyrë sa më të plotë mbi zhvillimet e vitit të fundit,” deklaroi Picula.

Ai akuzoi autoritetet serbe se po shmangin përballjen me institucionet evropiane në një moment kyç për procesin e integrimit:

“Ky bojkot lidhet me shmangien e përballjes me ata që janë vendimtarë për procesin e anëtarësimit të Serbisë në Bashkimin Evropian. Kjo është një mundësi e humbur për njerëzit më përgjegjës në Serbi, në një fazë kaq të ndjeshme të procesit, për të dëgjuar drejtpërdrejt se çfarë mendojmë ne për një shtet kandidat.”

Sipas Piculës, Serbia, si çdo vend kandidat, duhet t’i nënshtrohet verifikimit nga Parlamenti Evropian, gjë që e bënte këtë vizitë veçanërisht të rëndësishme. Ai theksoi se nuk është hera e parë që përballet me bojkot nga autoritetet serbe.

Përveç Vuçiçit, edhe kryetarja e Parlamentit të Serbisë, Ana Brnabiç, deklaroi se nuk do të priste delegacionin e PE, duke përsëritur se vizita ishte “e paftuar”.

Nga ana e tij, Vuçiç ka akuzuar vazhdimisht ndërkombëtarët për ndërhyrje në punët e brendshme të Serbisë, veçanërisht në lidhje me protestat e fundit në vend.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Presidenti i Serbisë, Aleksandër Vuçiç, deklaroi nga Emiratet e Bashkuara Arabe se nuk do të priste një delegacion të Parlamentit Evropian në Beograd, duke pretenduar se përfaqësuesit e PE po vinin “të paftuar”.

Kjo deklaratë u kundërshtua menjëherë nga raportuesi i PE për Serbinë, Tonino Picula, i cili e quajti pretendimin e Vuçiçit të pabazuar. Sipas tij, ambasada e Serbisë në Bruksel ishte informuar për vizitën.

“Është praktikë e zakonshme e Parlamentit Evropian dhe nuk ka asgjë të jashtëzakonshme në këtë vizitë. Qëllimi ynë është të zhvillojmë biseda të drejtpërdrejta me ata që pasqyrojnë gjendjen shpirtërore të qytetarëve të Serbisë, për të krijuar një pasqyrë sa më të plotë mbi zhvillimet e vitit të fundit,” deklaroi Picula.

Ai akuzoi autoritetet serbe se po shmangin përballjen me institucionet evropiane në një moment kyç për procesin e integrimit:

“Ky bojkot lidhet me shmangien e përballjes me ata që janë vendimtarë për procesin e anëtarësimit të Serbisë në Bashkimin Evropian. Kjo është një mundësi e humbur për njerëzit më përgjegjës në Serbi, në një fazë kaq të ndjeshme të procesit, për të dëgjuar drejtpërdrejt se çfarë mendojmë ne për një shtet kandidat.”

Sipas Piculës, Serbia, si çdo vend kandidat, duhet t’i nënshtrohet verifikimit nga Parlamenti Evropian, gjë që e bënte këtë vizitë veçanërisht të rëndësishme. Ai theksoi se nuk është hera e parë që përballet me bojkot nga autoritetet serbe.

Përveç Vuçiçit, edhe kryetarja e Parlamentit të Serbisë, Ana Brnabiç, deklaroi se nuk do të priste delegacionin e PE, duke përsëritur se vizita ishte “e paftuar”.

Nga ana e tij, Vuçiç ka akuzuar vazhdimisht ndërkombëtarët për ndërhyrje në punët e brendshme të Serbisë, veçanërisht në lidhje me protestat e fundit në vend.