Dështimi i 47-të për konstituimin e Kuvendit të Kosovës, afati po afron

E martë, 17 Nëntor, 2026
E martë, 17 Nëntor, 2026

Dështimi i 47-të për konstituimin e Kuvendit të Kosovës, afati po afron

Ka dështuar për herë të 47-të radhazi përpjekja për konstituimin e Kuvendit të Kosovës, duke thelluar krizën institucionale që prej 15 prillit. Kryesuesi i seancës, Avni Dehari, u bëri sërish thirrje partive politike që të propozojnë nga një anëtar për formimin e Komisionit Zgjedhor, por asnjëra prej tyre nuk ofroi propozim.

PDK, LDK, AAK dhe Lista Serbe refuzuan të japin kandidatë, duke e cilësuar mënyrën e propozuar për votimin e fshehtë si jokushtetuese. Në qendër të ngërçit është kandidatura e Albulena Haxhiut nga Lëvizja Vetëvendosje për kryetare të Kuvendit, e cila është votuar disa herë pa sukses në seanca me votim të hapur. Sipas Vetëvendosjes, nëse ajo nuk merr 61 votat e nevojshme në një votim të fshehtë, kandidatura do të tërhiqet.

Megjithatë, pjesa më e madhe e partive opozitare e konsiderojnë Haxhiun si figurë përçarëse dhe të papranueshme, duke bllokuar kështu edhe komisionin që do mundësonte votimin sipas rregullores.

Afati i vendosur nga Gjykata Kushtetuese për konstituimin e Kuvendit është 26 korriku, por nuk është e qartë se çfarë pasoja do të sjellë mosrealizimi i këtij afati. Presidentja Vjosa Osmani ka zhvilluar takime me përfaqësues të partive politike, por përpjekjet për zgjidhje kanë dështuar.

Ngërçi po rrezikon jo vetëm funksionimin institucional, por edhe legjitimitetin e proceseve demokratike në vend, teksa qytetarët presin prej më shumë se tre muajsh formimin e plotë të institucioneve.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Ka dështuar për herë të 47-të radhazi përpjekja për konstituimin e Kuvendit të Kosovës, duke thelluar krizën institucionale që prej 15 prillit. Kryesuesi i seancës, Avni Dehari, u bëri sërish thirrje partive politike që të propozojnë nga një anëtar për formimin e Komisionit Zgjedhor, por asnjëra prej tyre nuk ofroi propozim.

PDK, LDK, AAK dhe Lista Serbe refuzuan të japin kandidatë, duke e cilësuar mënyrën e propozuar për votimin e fshehtë si jokushtetuese. Në qendër të ngërçit është kandidatura e Albulena Haxhiut nga Lëvizja Vetëvendosje për kryetare të Kuvendit, e cila është votuar disa herë pa sukses në seanca me votim të hapur. Sipas Vetëvendosjes, nëse ajo nuk merr 61 votat e nevojshme në një votim të fshehtë, kandidatura do të tërhiqet.

Megjithatë, pjesa më e madhe e partive opozitare e konsiderojnë Haxhiun si figurë përçarëse dhe të papranueshme, duke bllokuar kështu edhe komisionin që do mundësonte votimin sipas rregullores.

Afati i vendosur nga Gjykata Kushtetuese për konstituimin e Kuvendit është 26 korriku, por nuk është e qartë se çfarë pasoja do të sjellë mosrealizimi i këtij afati. Presidentja Vjosa Osmani ka zhvilluar takime me përfaqësues të partive politike, por përpjekjet për zgjidhje kanë dështuar.

Ngërçi po rrezikon jo vetëm funksionimin institucional, por edhe legjitimitetin e proceseve demokratike në vend, teksa qytetarët presin prej më shumë se tre muajsh formimin e plotë të institucioneve.