Bundestagu në Berlin miratoi të enjten, më 26 qershor, zgjatjen e mandatit të Bundeswehr-it në kuadër të misionit KFOR në Kosovë për një vit tjetër. Me 391 vota pro, 189 kundër dhe 2 abstenime, Gjermania do të mbajë deri në 400 ushtarë në terren për të kontribuar në ruajtjen e sigurisë dhe stabilitetit në rajon.
Deputeti konservator Johannes Volkmann theksoi nevojën për një qasje më të guximshme ndaj Kosovës, duke kërkuar njohjen e plotë të vendit nga BE dhe anëtarësimin në Këshillin e Evropës. Ndërsa nga e djathta ekstreme u kundërshtua misioni, duke u shprehur se paratë do të duhej të shkonin për ndihmë humanitare në vende si Jemeni apo Sudani. Po ashtu, deputetja e së majtës Gökay Akbulut e përshkroi misionin si një “zgjidhje të ngrirë ushtarake”, duke kërkuar më shumë investime në arsim, shëndetësi dhe vende pune.
Ministrja nga SPD, Nancy Faeser, dhe përfaqësuesi i Të Gjelbërve, Niklas Wagner, mbrojtën zgjatjen, duke theksuar rëndësinë e KFOR-it si një faktor stabiliteti dhe rolin që duhet të marrë Evropa në mungesë të SHBA-së.
Ushtarët gjermanë do të ndihmojnë në ruajtjen e rendit publik dhe në ndërtimin e një shoqërie demokratike dhe multietnike në Kosovë, duke mbështetur gjithashtu transformimin e Forcës së Sigurisë së Kosovës si hap për integrim në NATO dhe BE.
Që nga viti 2011, numri i trupave gjermanë në Kosovë është ulur gradualisht, duke arritur vetëm 80 në fund të vitit 2022. Por me tensionet në veri dhe largimin e trupave austriake, Berlini ka rritur prani me një kompani shtesë që në prill 2024.
Misioni i Bundeswehr-it në Kosovë kushton rreth 38.9 milionë euro në vit, duke reflektuar angazhimin e Gjermanisë për paqen dhe stabilitetin në Ballkanin Perëndimor.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Bundestagu në Berlin miratoi të enjten, më 26 qershor, zgjatjen e mandatit të Bundeswehr-it në kuadër të misionit KFOR në Kosovë për një vit tjetër. Me 391 vota pro, 189 kundër dhe 2 abstenime, Gjermania do të mbajë deri në 400 ushtarë në terren për të kontribuar në ruajtjen e sigurisë dhe stabilitetit në rajon.
Deputeti konservator Johannes Volkmann theksoi nevojën për një qasje më të guximshme ndaj Kosovës, duke kërkuar njohjen e plotë të vendit nga BE dhe anëtarësimin në Këshillin e Evropës. Ndërsa nga e djathta ekstreme u kundërshtua misioni, duke u shprehur se paratë do të duhej të shkonin për ndihmë humanitare në vende si Jemeni apo Sudani. Po ashtu, deputetja e së majtës Gökay Akbulut e përshkroi misionin si një “zgjidhje të ngrirë ushtarake”, duke kërkuar më shumë investime në arsim, shëndetësi dhe vende pune.
Ministrja nga SPD, Nancy Faeser, dhe përfaqësuesi i Të Gjelbërve, Niklas Wagner, mbrojtën zgjatjen, duke theksuar rëndësinë e KFOR-it si një faktor stabiliteti dhe rolin që duhet të marrë Evropa në mungesë të SHBA-së.
Ushtarët gjermanë do të ndihmojnë në ruajtjen e rendit publik dhe në ndërtimin e një shoqërie demokratike dhe multietnike në Kosovë, duke mbështetur gjithashtu transformimin e Forcës së Sigurisë së Kosovës si hap për integrim në NATO dhe BE.
Që nga viti 2011, numri i trupave gjermanë në Kosovë është ulur gradualisht, duke arritur vetëm 80 në fund të vitit 2022. Por me tensionet në veri dhe largimin e trupave austriake, Berlini ka rritur prani me një kompani shtesë që në prill 2024.
Misioni i Bundeswehr-it në Kosovë kushton rreth 38.9 milionë euro në vit, duke reflektuar angazhimin e Gjermanisë për paqen dhe stabilitetin në Ballkanin Perëndimor.
