Giro d’Italia bën edhe xhiron e shijeve në Shqipëri me chef Max Mariola

E martë, 17 Nëntor, 2026
E martë, 17 Nëntor, 2026

Giro d’Italia bën edhe xhiron e shijeve në Shqipëri me chef Max Mariola

Shqipëria ka qenë këto tre ditë qendra e një prej evenimenteve sportive më të rëndësishme të sezonit, Giro d’Italia. Sigurisht, një aktivitet sportiv – por që nuk mbeti vetëm brenda kësaj kornize. Përveç peizazheve të mrekullueshme shqiptare që u transmetuan drejtpërdrejt në Rai 2 dhe në kanale të tjera sportive në mbarë botën, vëmendje mori edhe historia dhe kultura shqiptare. Mes kartolinave televizive dhe materialeve historike, shikuesit u njohën me rrëfimin tonë kolektiv dhe trashëgiminë që shpesh mbetet në hije shkruan Diaspora Shqiptare.

Por një “xhiro” të fundit Giro d’Italia e kishte rezervuar përmes shijes — dhe përmes gatimit. Në bashkëpunim me një nga shefat më të njohur italianë në media sociale e më gjerë, Max Mariola, Giro d’Italia ka prezantuar edhe tre receta që, nëse nuk janë krejtësisht autentike, janë padyshim shumë të njohura për shqiptarët shkruan Diaspora Shqiptare.

Max Mariola nga kuzhina e improvizuar, me sfond detin dhe kodrat e jugut, ai solli për publikun italian (dhe jo vetëm) një përzierje të këndshme midis recetave shqiptare dhe stilit të vet të njohur. Që nga qoftet, tek fërgesa e deri te një version i ëmbël i byrekut, Shqipëria nuk u pa vetëm si peizazh i bukur, por edhe si vend me shije të forta, identitet të spikatur dhe një histori që të mbetet në mendje — dhe në shije.

Sepse ndonjëherë, për të kuptuar një vend, nuk mjafton ta shohësh nga lart me helikopter. Duhet të hash diçka nga kuzhina e tij.

Etapa e parë: Qofte shqiptare. Sigurisht, shefi Max Mariola qoftet do ti prezantonte me një version të vetin të sallatës – një miks mes sallatës me domate dhe kastravecë dhe diçka që të kujton xaxiqin. Jo keq! Videoja ka mbledhur mbi 1.1 milion shikime në Instagram.

Etapa e dytë: Fërgesë. Po, nga ajo shqiptarja ama. Speca, gjizë dhe – meqë shqiptarët duan shijen e kripur dhe jo ëmbëlsinë e rikotës italiane – i shtojmë edhe djathë të bardhë. E thjeshtë, e drejtëpërdrejtë dhe plot shije.

Etapa e tretë: Byrek i ëmbël me krem. Me copëza çokollate sipër. Jo ai tradicionali, por byreku mbetet byrek.

Ndërsa çiklistët mbaronin etapën e tyre të tretë në Vlorë dhe Mads Pedersen ngjitej në majën e podiumit, Shqipëria kishte fituar një tjetër garë — atë të imazhit dhe mikpritjes. Të pasionuarit e çiklizmit mund të kenë ndjekur garën për adrenalinë, por shumë të tjerë, falë qofteve, fërgesës dhe byrekut zbuluan një vend që, përveç sfidës sportive, të fton edhe në tavolinë.

 

 

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Shqipëria ka qenë këto tre ditë qendra e një prej evenimenteve sportive më të rëndësishme të sezonit, Giro d’Italia. Sigurisht, një aktivitet sportiv – por që nuk mbeti vetëm brenda kësaj kornize. Përveç peizazheve të mrekullueshme shqiptare që u transmetuan drejtpërdrejt në Rai 2 dhe në kanale të tjera sportive në mbarë botën, vëmendje mori edhe historia dhe kultura shqiptare. Mes kartolinave televizive dhe materialeve historike, shikuesit u njohën me rrëfimin tonë kolektiv dhe trashëgiminë që shpesh mbetet në hije shkruan Diaspora Shqiptare.

Por një “xhiro” të fundit Giro d’Italia e kishte rezervuar përmes shijes — dhe përmes gatimit. Në bashkëpunim me një nga shefat më të njohur italianë në media sociale e më gjerë, Max Mariola, Giro d’Italia ka prezantuar edhe tre receta që, nëse nuk janë krejtësisht autentike, janë padyshim shumë të njohura për shqiptarët shkruan Diaspora Shqiptare.

Max Mariola nga kuzhina e improvizuar, me sfond detin dhe kodrat e jugut, ai solli për publikun italian (dhe jo vetëm) një përzierje të këndshme midis recetave shqiptare dhe stilit të vet të njohur. Që nga qoftet, tek fërgesa e deri te një version i ëmbël i byrekut, Shqipëria nuk u pa vetëm si peizazh i bukur, por edhe si vend me shije të forta, identitet të spikatur dhe një histori që të mbetet në mendje — dhe në shije.

Sepse ndonjëherë, për të kuptuar një vend, nuk mjafton ta shohësh nga lart me helikopter. Duhet të hash diçka nga kuzhina e tij.

Etapa e parë: Qofte shqiptare. Sigurisht, shefi Max Mariola qoftet do ti prezantonte me një version të vetin të sallatës – një miks mes sallatës me domate dhe kastravecë dhe diçka që të kujton xaxiqin. Jo keq! Videoja ka mbledhur mbi 1.1 milion shikime në Instagram.

Etapa e dytë: Fërgesë. Po, nga ajo shqiptarja ama. Speca, gjizë dhe – meqë shqiptarët duan shijen e kripur dhe jo ëmbëlsinë e rikotës italiane – i shtojmë edhe djathë të bardhë. E thjeshtë, e drejtëpërdrejtë dhe plot shije.

Etapa e tretë: Byrek i ëmbël me krem. Me copëza çokollate sipër. Jo ai tradicionali, por byreku mbetet byrek.

Ndërsa çiklistët mbaronin etapën e tyre të tretë në Vlorë dhe Mads Pedersen ngjitej në majën e podiumit, Shqipëria kishte fituar një tjetër garë — atë të imazhit dhe mikpritjes. Të pasionuarit e çiklizmit mund të kenë ndjekur garën për adrenalinë, por shumë të tjerë, falë qofteve, fërgesës dhe byrekut zbuluan një vend që, përveç sfidës sportive, të fton edhe në tavolinë.