Ditën e diel, më dt. 27 prill 2025 u inagurua Qëndra e re Komunitare Shqiptare në Staten Island(NY) që ndodhet në adresën 489 Midland Ave, Staten Island, duke mbledhur qindra shqiptar të dielën.
Në ceremonin e inaugurimit të kësaj qendre morën pjesë shqiptarët të ardhur nga pesë lagjet e New York-ut, politikanë e zyrtar të Staten Island-it, anëtarë të Këshillit Bashkiajak të Qytetit të New York-ut, aktivist dhe përfaqësues të besimeve fetare dhe përfaqësues dhe udhëheqës të shoqatave të komunitetit Shqiptar në New York.
Përfshirë , Shoqatën Shqiptaro-Amerikane në Staten Island me presidenti Naser Nika, Ulqinaket Krajanet, Dibranet, e tjer, nxënës te klasave të mësimit plotësues të gjuhës shqipe nga shkollat ne Staten Island,Shoqata Shqiptare Amerikane Skenderbej Staten Island, New York, e tjer.
Gjithashtu ishin edhe zyrtarët e zgjedhur të Staten Island të cilët iu bashkuan komunitetit shqiptar për prerjejen e shiritit në qendrën e re komunitare, vendit ku një ish lokal i famshëm italian një piceri- restaurant në bllokun e ndertesave kryesore i Midland Beach, dikur ndodhej në 489 Midland Ave, tanimë ajo ndërtesé është pronë e anamalsve në Amerikë dhe do të jetë qendra e re komunitare Shqiptare në Staten Island.
Aktiviteteti festiv filloi me këndimin e himneve kombëtare amerikane dhe shqiptare, nga këngëtarja sporano Dëshira Ahmeti – Kerliu.
Anëtarët e Shoqërisë Illyriane të NYPD formuan një parakalim ceremonial duke mbajtur me krenari flamujt amerikanë dhe shqiptarë.
Aktivitetin e moderojë Bledar Maqellara.
Kryetari i Shoqatës Ana e Malit Albert Salaj tha se kam nderin dhe privilegjin e madh të hapnim dyert e Qendrës së parë Komunitare Shqiptare në Staten Island: “Realizimi i kësaj ëndrre të kahershme është një moment i vërtetë historik, për komunitetin tonë dhe jemi thellësisht mirënjohës ndaj të gjithë atyre që u bashkuan me ne në këtë rast historik”
Më tej Salaj, duke folur për rëndësinë e kësaj qendre tha se ajo do të jetë një shtëpi e hapur për çdo shqiptar, një vend për aktivitete kulturore, gjuhësore dhe tradicionale, ku secili do të mund të gjejë mbështetje dhe frymëzim.
“Ky sukses i jashtëzakonshëm është arritur pa ndihmën e asnjë institucioni shtetëror, por vetëm falë përkushtimit dhe sakrificës së komunitetit tonë, me mbështetjen e anamalasve dhe bashkatdhetarëve tanë të devotshëm.”
Ai, po ashtu në emër të komunitetit anamalas i shprehu falënderimet të përzemërta të ftuarve : Staten Island Borough President Vito Fosella,, Lily Zafaranloo që përfaqësoi Kongresisten Nicole Malliotakis, Anëtarit të Këshillit të NYC, David Carr, Prokurorit të Qarkut të Staten Island, Michael McMahon, Anëtarëve të Asamblesë Shtetërore të NYC, Michael Tannousis dhe Sam Pirozzolo, Senatores Shtetërore të NYC, Jessica Scarcella-Spanton, Anëtares së Këshillit të NYC, Kamillah Hanks, Imam Edin Gjoni, Vanesa Limani nga Zyra e Kryetarit të Bashkisë së NYC, kandidatëve për Këshillin e Qytetit, Griffin Fossella dhe Frank Morano, dhe Gjyqtares Edita Shkreli.
Njëhereshit, Salaj, ka vlerësuar edhe mbështetjen e komunitetit shqiptar në Staten Island, që e bënë me praninë e tyre këtë ditë edhe më të veçantë.
Ish kryetari i shoqatës z. Safet Llolla përshëndeti pjesëmarrësit dhe falënderoi të gjithë ata që e sollën këtë qender deri në një realitet.Ai permendi kryesinë, emra donataorësh që bënë të mundur këtë ndertes . Po ashtu Llolla foli edhe për përpjekjet e shumta dhe përkushtimin e madh të anamalasve për të realizuar ëndrrën e tyre per te pasur nje qender komunitare.
Qendrën e re e bekoi Imam Edin Gjoni, i cili më pas foli edhe për rëndësinë e madhe të kësaj qendre e para komunitare né Nju Jork.
Ai gjithashtu solli edhe urimin e tij për hapjen e qendrës kulturore atdhetare, derguar nga famullitari i famullisë Zoja e Shkodrës Dom Pjetë Popaj.
Përshëndetën poashtu edhe aktivisiti Xheladin Zeneli ish kryetar i shoqatës, dhe ish deputet i parlamentit te pare malazes, znj.Melinda Gjeloshi ish sekretare e Bordit të Shoqatës, Ana e Malit, dhe znj. Keze Kozeta Zylo
Në inagurimin e qendrës së komunitare përshëndetën : Vito Fosella President Boros Staten Island, përfaqësuesja e kongresistes Nicole Malliotakis, Keshilltari David Carr, Senatore Jessicc Scarcella-Spanson, Presidenti i Shoqatës së Avokatëve, përfaqësuesëve ligjor të shtetit të Nju Jorkut, Michael McMahon, Këshilltarja Kamillah Hanks dhe Ansambleisti Sam Pirozzolo.
Folësit thanë se Shoqata “Ana e Malit” dhe anëtarët e saj me këtë vepër e bënë këtë ëndërr për komuntetin shqiptar né Nju Jork, një realitet me kontributin e tyre për blerjen e ndërtesës. Duke punuar pothuajse nga themelet, për ta sjellë atë në një gjendje multifunksionale jo vetëm për shoqatën e tyre, por për të gjithë komunitetin Shqiptar te New York-ut.
Pas fjalimeve pershëndetse nuk munguan as pikat muzikore me performancën e tyre të mrekullueshme nga Grupi Barbana, si dhe vallet të interpretuara nga Shoqata Skenderbej dhe Shkolla Albalife, duke e bërë atmosferen festive të kësaj ditë të paharrueshme për të gjithë të komunitetin shqiptar në Staten Island – Nju Jork.
