Autopsia e kryer mbi trupin e 22-vjeçares Ilaria Sula ka zbuluar detaje të reja tronditëse lidhur me vrasjen e saj nga i dashuri, Mark Antony Samson. Sipas mjekut ligjor, doktor Albore, Sula ka pësuar tre plagë të thella me thikë në fyt, të cilat shkaktuan gjakderdhje masive dhe vdekjen e saj brenda pak sekondash.

Ky është një nga rezultatet e para të autopsisë, që ka përfshirë gjithashtu teste të tjera që janë ende në proces për të sqaruar detaje të tjera të ngjarjes. Mjekët kanë konfirmuar se vdekja ka ndodhur në një kohë kaq të shkurtër sa nuk ka pasur mundësi për ndihmën e shpejtë mjekësore, çka do të kishte mundur të shpëtonte jetën e Ilarisë.

Një pikë kyçe që ka dalë në pah nga hetimet është fakti që vdekja e Ilaria Sulës ka ndodhur në mënyrë të menjëhershme, e cila i jep një dimension tjetër rastit. Një vdekje që nuk do të kishte ndodhur kaq shpejt mund të kishte çuar në reagimin e prindërve të të dyshuarit, të cilët ishin të pranishëm në shtëpinë e tij në momentin e krimit, më 25 mars. Hetuesit dyshojnë se ata mund të kenë pasur dijeni për ngjarjen dhe mund të kenë ndihmuar djalin e tyre për të fshehur trupin e Ilarisë, duke e hedhur atë në një shkëmb 40 kilometra larg.

Për këtë arsye, prindërit e Samsonit mund të akuzohen për bashkëpunim në vrasje, për “keqdashje të mundshme”. Ata janë pyetur nga prokuroria, por 23-vjeçari ka preferuar të mos përgjigjet për disa çështje. Sidoqoftë, hetimet kanë zbuluar gjurmë gjaku në dhomën e tij, që sugjerojnë se mund të ketë pasur një përpjekje për të pastruar vendin e krimit, përkundër faktit që nuk ka pasur shumë gjakderdhje në vendin e ngjarjes.

Në ditët në vazhdim, Mark Antony Samson do të paraqitet para gjyqtarit hetues për një seancë paraprake, ku do të ketë mundësinë të sqarojë disa detaje të tjera lidhur me ngjarjen tragjike që ka lënë pas një humbje të madhe dhe një seri pyetjesh të pazgjidhura. Hetimet po vazhdojnë për të hedhur dritë mbi rrethanat e plota të kësaj vrasjeje të rëndë.