Emisari i posaçëm i Bashkimit Evropian për dialogun Kosovë-Serbi, Peter Sorensen u takua të martën në Beograd me presidentin serb, Aleksandar Vuçiq. Ky ishte takimi i tyre i parë që nga marrja e detyrës nga diplomati danez.
Pas takimit, Vuçiq deklaroi në Instagram se kishte theksuar para Sorensenit se formimi i Asociacionit të komunave me shumicë serbe mbetet parakusht për “fillimin e normalizimit të vërtetë të marrëdhënieve” mes Kosovës dhe Serbisë. Ai akuzoi Prishtinën për dymbëdhjetë vjet refuzim të këtij obligimi.
Çështja e Asociacionit mbetet një nga pikat më të ndjeshme të dialogut mes dy vendeve. Marrëveshja për krijimin e tij u arrit në vitin 2013, ndërsa dy vjet më vonë u dakordësuan edhe parimet mbi funksionimin e tij. Megjithatë, zbatimi i saj ka mbetur pezull. Kosova argumenton se një organizim i tillë njëetnik do të dëmtonte funksionalitetin e shtetit, ndërsa Gjykata Kushtetuese e Kosovës ka konstatuar se disa dispozita të marrëveshjes bien ndesh me Kushtetutën.
Presidentja e Kosovës, Vjosa Osmani, javën e kaluar deklaroi se draft-statuti i Asociacionit, i hartuar nga Bashkimi Evropian, nuk është në përputhje me Kushtetutën dhe si i tillë nuk mund të zbatohet. Ajo bëri të ditur se këto shqetësime ia ka paraqitur edhe emisarit evropian Sorensen gjatë vizitës së tij në Kosovë.
I pyetur për mundësinë e një kompromisi në procesin e dialogut, Sorensen tha se kjo mbetet në duart e palëve. Ai theksoi se objektivi kryesor i tij është të çojë përpara procesin, por fillimisht do të zhvillojë konsultime për të vlerësuar situatën aktuale të negociatave.
Prej 18 muajsh, dialogu i lehtësuar nga Bashkimi Evropian nuk ka prodhuar asnjë takim të nivelit të lartë mes Kosovës dhe Serbisë.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Emisari i posaçëm i Bashkimit Evropian për dialogun Kosovë-Serbi, Peter Sorensen u takua të martën në Beograd me presidentin serb, Aleksandar Vuçiq. Ky ishte takimi i tyre i parë që nga marrja e detyrës nga diplomati danez.
Pas takimit, Vuçiq deklaroi në Instagram se kishte theksuar para Sorensenit se formimi i Asociacionit të komunave me shumicë serbe mbetet parakusht për “fillimin e normalizimit të vërtetë të marrëdhënieve” mes Kosovës dhe Serbisë. Ai akuzoi Prishtinën për dymbëdhjetë vjet refuzim të këtij obligimi.
Çështja e Asociacionit mbetet një nga pikat më të ndjeshme të dialogut mes dy vendeve. Marrëveshja për krijimin e tij u arrit në vitin 2013, ndërsa dy vjet më vonë u dakordësuan edhe parimet mbi funksionimin e tij. Megjithatë, zbatimi i saj ka mbetur pezull. Kosova argumenton se një organizim i tillë njëetnik do të dëmtonte funksionalitetin e shtetit, ndërsa Gjykata Kushtetuese e Kosovës ka konstatuar se disa dispozita të marrëveshjes bien ndesh me Kushtetutën.
Presidentja e Kosovës, Vjosa Osmani, javën e kaluar deklaroi se draft-statuti i Asociacionit, i hartuar nga Bashkimi Evropian, nuk është në përputhje me Kushtetutën dhe si i tillë nuk mund të zbatohet. Ajo bëri të ditur se këto shqetësime ia ka paraqitur edhe emisarit evropian Sorensen gjatë vizitës së tij në Kosovë.
I pyetur për mundësinë e një kompromisi në procesin e dialogut, Sorensen tha se kjo mbetet në duart e palëve. Ai theksoi se objektivi kryesor i tij është të çojë përpara procesin, por fillimisht do të zhvillojë konsultime për të vlerësuar situatën aktuale të negociatave.
Prej 18 muajsh, dialogu i lehtësuar nga Bashkimi Evropian nuk ka prodhuar asnjë takim të nivelit të lartë mes Kosovës dhe Serbisë.
