Richard Grenell, i cili sot ka marrë zyrtarisht detyrën si emisar për misione të posaçme të Shteteve të Bashkuara të Amerikës, ka ngritur sërish shqetësime mbi shpenzimet e USAID-it në Ballkanin Perëndimor, duke i cilësuar ato si tejet të larta dhe të menaxhuara keq.
Në një postim në platformën X (ish-Twitter), Grenell ka kritikuar politikat e Uashingtonit për shpërndarjen e fondeve të taksapaguesve amerikanë, duke pretenduar se miliarda dollarë po u jepen OJQ-ve të krahut të majtë për të nxitur politika që ai i cilëson si radikale në vende të tjera.
Ai ka publikuar edhe një përmbledhje të shpenzimeve të USAID-it në Ballkanin Perëndimor për periudhën 2020-2024, ku përfshihen:
- Kosova: 537 milionë dollarë
- Bosnja dhe Hercegovina: 402 milionë dollarë
- Maqedonia e Veriut: 290 milionë dollarë
- Serbia: 209 milionë dollarë
- Shqipëria: 189 milionë dollarë
- Mali i Zi: 77 milionë dollarë
- Totali për WB6: 1.7 miliardë dollarë
Ndërkohë, Sekretari amerikan i Shtetit, Marco Rubio, ka njoftuar se ka marrë detyrën e ushtruesit të postit të drejtorit të USAID, një lëvizje që mund të sjellë ndryshime në politikat e ndihmës ndërkombëtare të SHBA-së.
🚨🚨🚨🚨🚨
Hard working Americans pay taxes – politicians in Washington, DC spend that money recklessly.
Billion$ given to left wing NGOs to push radical policies in other countries.
Here’s a snippet from just USAid… https://t.co/CMEAuvVqFw
— Richard Grenell (@RichardGrenell) February 4, 2025
