Një nga aktivitetet më të bukura dhe të shumëpritura të vitit, Go Dance 2025, i sjell Glasgow-it ngjyrat dhe energjinë e jashtëzakonshme të artit të vallëzimit. Aktiviteti ka nisur në Teatrin Mbretëror të Glasgow-it në datë 21 dhe do të përfundojë nesër. Ky festival unik përfshin shkolla, kolegje, kurse dhe komunitete të ndryshme nga e gjithë Skocia, duke promovuar larminë muzikore, bukurinë e vallëzimit dhe fuqinë bashkuese të artit.
Në këtë skenë madhështore ndërthuren stilet nga baleti klasik, kërcimet bashkëkohore, hip-hop-i dhe deri te trashëgimia e pasur e valleve tradicionale. Përfaqësimi shqiptar këtë vit është veçanërisht i spikatur falë grupit të drejtuar nga Znj. Remzije Zeka Sherifi, OBE, një figurë e njohur dhe krenari shqiptare në Skoci.
“Vajzat tona kanë punuar për dy muaj për përgatitjen e valles së Tropojës, një simbol që tashmë na përfaqëson në UNESCO. Nuk është një valle e thjeshtë, por koreografja jonë e talentuar, Jade Adamson dhe asistentja e saj, Megi Jahja e kanë përshtatur në mënyrë të mrekullueshme për grupin tonë,” tregon Znj. Sherifi për “Diaspora Shqiptare”.
E veçanta e grupit shqiptar është se janë të vetmit që performojnë një valle popullore tradicionale, duke sjellë një përplasje të bukur kulturash dhe një ndjesi të fuqishme përkatësie.
“Për mua është krenari që marrin pjesë edhe mbesat e mia. Disa prej kostumeve tradicionale i qëndisëm vetë dhe kjo ia shton emocionin kësaj eksperience,” shton ajo me entuziazëm.
Go Dance 2025 ofron një program të larmishëm për katër net rresht, ku valltarë të të gjitha moshave dhe zhanreve ndajnë me publikun punën e tyre në skenën kryesore të Teatrit Mbretëror. Ky festival është një festë gjithëpërfshirëse, që frymëzon dhe argëton audiencën, duke e bërë një ngjarje të pandalshme për të gjithë dashamirësit e vallëzimit.
Programi i këtij viti:
e martë
PASS, Kolegji i Edinburgut
Shkolla e mesme Smithycroft
Lidhja e vallëzimit
Shkolla e Vallëzimit Debbie Eadie
Fillimi i Baletit Pointe
Shkolla e Mesme St Paul’s RC
@Dance
Inter Performing Arts Academy
e mërkurë
RCS – Shkolla e kërcimit
Valle per te gjithe
Albscott
Sarah Hendy School of Dance
Dance Studio Skoci @ Glasgow Clyde College
Paragoni M3
Djathtas2 kërcim
Pensionistët e Pan
Artet e Teatrit Hamilton
e enjte
Lothian Youth Dance Company
Shkolla e vallëzimit Valerie Brown
Shkolla fillore Langbank
Claire Burns School of Dance
Frymëzoni
Arritni më shumë Skoci
Shkolla e mesme Hillpark
Kolegji i Ri Lanarkshire
e premte
Wolf Pack, Balet Barrowland
Jazzart
Shkolla e Baletit Linda Lowry
Kolegji Perëndimor i Skocisë
Vallëzim i pavarur
Shkolla e Teatrit Muzikor Dancepoint
Dance Jennifer Scott
Dance Inc Studio Qendra