Presidenti Donald Trump nënshkroi një urdhër ekzekutiv për pezullimin e përkohshëm të të gjitha programeve të ndihmës së jashtme të SHBA-së për 90 ditë, deri në rishikimin e tyre për të përcaktuar nëse ato janë në përputhje me objektivat e tij politikë.
Nuk ishte e qartë menjëherë se sa ndihmë do të prekej fillimisht nga ky urdhër i nënshkruar të hënën, pasi financimi për shumë programe tashmë ishte miratuar nga Kongresi dhe duhet të shpenzohet, nëse nuk është shpenzuar tashmë.
Urdhri, ndër shumë të tjerë që Trump nënshkroi në ditën e tij të parë pas rikthimit në detyrë, tha se “industria e ndihmës së jashtme dhe burokracia nuk janë në përputhje me interesat amerikane dhe, në shumë raste, janë në kundërshtim me vlerat amerikane” dhe “shërbejnë për të destabilizuar paqen botërore duke promovuar ide në vendet e huaja që janë drejtpërdrejt të kundërta me marrëdhëniet harmonike dhe të qëndrueshme brenda dhe midis shteteve.”
Si pasojë, Trump shpalli se “asnjë ndihmë e mëtejshme e jashtme nga Shtetet e Bashkuara nuk do të shpërndahet në një mënyrë që nuk është plotësisht në përputhje me politikën e jashtme të Presidentit të Shteteve të Bashkuara.”
Po Kosova?
Sipas informacionit të siguruar nga REL, Ambasada e SHBA-së dhe Agjencia e Shteteve të Bashkuara për Zhvillim Ndërkombëtar nuk kanë dhënë ende përgjigje nëse ky vendim do të ketë ndikim në ndihmat që janë parashikuar për Kosovën.
Që nga viti 1999, Shtetet e Bashkuara kanë investuar më shumë se një miliard dollarë për zhvillimin e Kosovës. Javën e kaluar, Sekretari i Shtetit, Marco Rubio, u tha anëtarëve të Komitetit të Marrëdhënieve të Jashtme të Senatit gjatë seancës së tij të konfirmimit javën e kaluar se “çdo dollar që ne shpenzojmë, çdo program që ne financojmë dhe çdo politikë që ndjekim duhet të justifikohet me përgjigjen e tre pyetjeve të thjeshta: A e bën Amerikën më të sigurt? A e bën Amerikën më të fortë? A e bën Amerikën më të pasur?” tha ai.
Urdhri i nënshkruar nga Trump e lë këtë detyrë te Rubio ose përfaqësuesi i tij për të marrë këto vendime, në konsultim me Zyrën e Menaxhimit dhe Buxhetit. Departamenti i Shtetit dhe Agjencia e SHBA-së për Zhvillimin Ndërkombëtar janë agjencitë kryesore që mbikëqyrin ndihmën e jashtme.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Presidenti Donald Trump nënshkroi një urdhër ekzekutiv për pezullimin e përkohshëm të të gjitha programeve të ndihmës së jashtme të SHBA-së për 90 ditë, deri në rishikimin e tyre për të përcaktuar nëse ato janë në përputhje me objektivat e tij politikë.
Nuk ishte e qartë menjëherë se sa ndihmë do të prekej fillimisht nga ky urdhër i nënshkruar të hënën, pasi financimi për shumë programe tashmë ishte miratuar nga Kongresi dhe duhet të shpenzohet, nëse nuk është shpenzuar tashmë.
Urdhri, ndër shumë të tjerë që Trump nënshkroi në ditën e tij të parë pas rikthimit në detyrë, tha se “industria e ndihmës së jashtme dhe burokracia nuk janë në përputhje me interesat amerikane dhe, në shumë raste, janë në kundërshtim me vlerat amerikane” dhe “shërbejnë për të destabilizuar paqen botërore duke promovuar ide në vendet e huaja që janë drejtpërdrejt të kundërta me marrëdhëniet harmonike dhe të qëndrueshme brenda dhe midis shteteve.”
Si pasojë, Trump shpalli se “asnjë ndihmë e mëtejshme e jashtme nga Shtetet e Bashkuara nuk do të shpërndahet në një mënyrë që nuk është plotësisht në përputhje me politikën e jashtme të Presidentit të Shteteve të Bashkuara.”
Po Kosova?
Sipas informacionit të siguruar nga REL, Ambasada e SHBA-së dhe Agjencia e Shteteve të Bashkuara për Zhvillim Ndërkombëtar nuk kanë dhënë ende përgjigje nëse ky vendim do të ketë ndikim në ndihmat që janë parashikuar për Kosovën.
Që nga viti 1999, Shtetet e Bashkuara kanë investuar më shumë se një miliard dollarë për zhvillimin e Kosovës. Javën e kaluar, Sekretari i Shtetit, Marco Rubio, u tha anëtarëve të Komitetit të Marrëdhënieve të Jashtme të Senatit gjatë seancës së tij të konfirmimit javën e kaluar se “çdo dollar që ne shpenzojmë, çdo program që ne financojmë dhe çdo politikë që ndjekim duhet të justifikohet me përgjigjen e tre pyetjeve të thjeshta: A e bën Amerikën më të sigurt? A e bën Amerikën më të fortë? A e bën Amerikën më të pasur?” tha ai.
Urdhri i nënshkruar nga Trump e lë këtë detyrë te Rubio ose përfaqësuesi i tij për të marrë këto vendime, në konsultim me Zyrën e Menaxhimit dhe Buxhetit. Departamenti i Shtetit dhe Agjencia e SHBA-së për Zhvillimin Ndërkombëtar janë agjencitë kryesore që mbikëqyrin ndihmën e jashtme.
