Procesi i regjistrimit të votuesve jashtë vendit ka nisur më 11 janar 2025 përmes Platformës Elektronike të Regjistrimit të Komisionit Qendror të Zgjedhjeve (PER) dhe do të përfundojë më 4 mars 2025. Gjatë kësaj periudhe, është konstatuar se rreth 600,248 zgjedhës brenda dhe jashtë vendit nuk disponojnë dokumente identifikimi të vlefshme, duke përfshirë rreth 900 zgjedhës nga diaspora që ende nuk janë pajisur me dokumente të vlefshme.

Në bazë të këtyre të dhënave dhe vështirësive të zgjedhësve jashtë vendit për të rinovuar dokumentet e identifikimit brenda afateve ligjore, KQZ ka propozuar që afati i vlefshmërisë së dokumenteve të identifikimit për këta zgjedhës të shtyhet deri më 30 maj 2025. Ky hap ka si qëllim të sigurojë pjesëmarrjen e plotë të diasporës në zgjedhjet e ardhshme dhe të mundësojë ushtrimin e të drejtës së votës pa pengesa.

KQZ vlerëson se një shtyrje e tillë është e nevojshme për të siguruar mbarëvajtjen e procesit të votimit dhe për të mundësuar që asnjë qytetar shqiptar që jeton jashtë vendit të mos e humbasë mundësinë për të votuar në zgjedhjet e vitit 2025.