Donald Trump është betuar si presidenti i 47-të i Shteteve të Bashkuara të Amerikës në një ceremoni që po zhvillohet në Rotundën e Kapitolit, për shkak të temperaturave të ulëta jashtë.

Në ceremoninë e betimit, Trump përdori Biblën e Abraham Lincoln për të bërë betimin, siç ishte njoftuar më parë nga organizatorët e inaugurimit. Kjo është e njëjta Bibël që Lincoln përdori gjatë ceremonisë së tij të betimit në vitin 1861.

Gjithashtu, Trump përdori edhe një Bibël personale, të njëjtën që përdori gjatë betimit të tij në vitin 2017.

Betimi i presidentit u administrua nga Kryegjyqtari John Roberts.