Më datën 10 shtator, Shkolla Shqipe “Mësojmë Shqip” ka hapur zyrtarisht kursin e gjuhës, kulturës dhe traditës shqiptare për vitin mësimor 2024-2025. Ky kurs, i cili do të zhvillohet çdo të martë nga ora 21:00-23:00 në formë online, synon të mbledhë studentë dhe nxënës nga qytete të ndryshme të Turqisë, përfshirë Stambollin, Sakaryan, Zonguldakun, Manisan dhe të tjera.

Atmosfera e hapjes së kursit ishte e ngrohtë dhe plot entuziazëm, me buzëqeshje të shumta nga nxënësit, studentët dhe prindërit e tyre. Shkolla ka arritur të krijojë një komunitet të fortë, ku edukimi i gjuhës dhe kulturës shqiptare mbështetet nga bashkëpunimi dhe vlerësimi i ndërsjellë. Programi i shkollës përfshin mësimdhënie në klasë dhe online, çdo ditë nga ora 09:00 deri në 24:00, duke ofruar fleksibilitet të plotë për të gjithë pjesëmarrësit.

Për më shumë informacion mbi regjistrimin dhe detajet e tjera, kontaktoni në: [email protected] ose 00905073311058.