Këtë mars Këshilli i Ministrave miratoi shfuqizimin e Agjencisë Kombëtare të Diasporës, një vendim i cili shënoi një ndryshim të rëndësishëm në strukturën institucionale shqiptare dedikuar Diasporës. Kompetencat e këtij institucioni i kaluan Ministrisë së Jashtme dhe pak javë pas dorëheqjes së ish drejtoreshës Sonila Hysi, ditën e sotme është bërë publike emri i ri që do të drejtojë AKD Znj. Ermonela Xhafa.
Znj. Xhafa do të drejtojë Agjencinë Kombëtare të Diasporës, një institucion që shërben si urë lidhëse me diasporën për bashkëpunime profesionale, promovimin e potencialeve të Shqipërisë, rritjen dhe integrimin e saj në BE etj
Ky emërim vjen në një moment kritik për diasporën shqiptare, duke pasur parasysh rëndësinë e saj në integrimin dhe promovimin e Shqipërisë në arenën ndërkombëtare.
Ksuh është Ermonela Xhafa
Znj. Xhafa, lindur më 2 qershor 1974, ka ndjekur studimet në shkollën e mesme “Petro Nini Luarasi” në Tiranë dhe është diplomuar juriste në Fakultetin e Drejtësisë, Universiteti i Tiranës, në vitin 1996. Ajo ka përfunduar studimet për “Master në Shkenca MSc në Global Security” në Royal Military College of Science, Universiteti i Cranfield, në vitin 2002, dhe aktualisht po ndjek studimet doktorale në fushën e të drejtës tregtare në Universitetin Tor Vergata, Romë, Itali dhe Universitetin e Tiranës.
Znj. Xhafa ka një përvojë të pasur mbi 30-vjeçare në sektorin qeveritar dhe publik, duke mbuluar pozicione drejtuese në disa ministri dhe institucione të ndryshme. Ajo ka shërbyer si pedagoge, trajnere dhe eksperte në projekte të ndryshme me fokus të drejtat e njeriut, çështjet e ekonomisë dhe qeverisjen lokale. Znj. Xhafa zotëron gjuhën angleze dhe italiane dhe ka njohuri të mira të gjuhës gjermane.
