E ideuar nga zonja Aida Haziri, ky aktivitet u realizua nga Shoqata Anglo-Shqiptare në bashkëpunim me Ambasadën e Republikës së Shqipërisë në Londër.

I pranishëm Ambasadori i Republikës së Kosovës, Sh.T Z. Ilir Kapiti.

Ambasadori i Republikës së Shqipërisë, SH.T. Z. Uran Ferizi i cili përgëzoi dhe përshëndeti eventin.

Fjalën përshëndetëse e mori edhe Kryetari i AAA-së (Shoqata Anglo-Shqiptare) z. Stephen Nash.

Paneli promovues përfshinte dy profesorë të gjuhës shqipe në FCDO dhe zonjën Aida Haziri, e cila moderonte. Znj. Haziri prezantoi temën “Familja Marubi, lidhja italiane dhe konteksti i muzeut dhe fotografisë Marubi në Shkodër”. Ndërkohë, znj. Mirela Xhaferraj prezantoi “Trashëgimia letrare e Shkodrës”, duke sjellë në vëmendje fakte historike dhe kulturore për familjen Marubi, të ilustruara me fotografi dhe profile të personazheve të kohës.

Ky promovim u zhvillua në anglisht për t’iu përshtatur audiencës angleze të pranishme në ambientet e ambasadës. Prezenca dhe interpretimi muzikor i Desantila Qerimaj Rranxa, me origjinë nga Shkodra, dhe Enrien Lamcellari, me origjinë nga Durrësi, zbukuruan mbrëmjen me nota artistike. Dy instrumentistët, me një biografi të pasur artistike dhe përvojë koncertesh në Britaninë e Madhe dhe vende të tjera, e ngritën nivelin artistik të aktivitetit.

Gërshetimi i materialeve të përzgjedhura, muzikës dhe ekspozitës që përbënin një pasuri më vete, bëri që ky promovim të ketë një nivel të lartë pjesëmarrjeje.

Sponsor Z. Gjon Matusha

Galeria e fotove nga kjo pasdite kulturore në Ambasadën tonë është një dëshmi e këtij suksesi kulturor të historisë së mrekullueshme shqiptare në Londër me komunitetin e saj aktiv për ngritjen e vlerave të Shqipërisë.