Kryeministri Edi Rama rikujtoi sot përmes rrjeteve sociale takimin e radhës me diasporën, që do të zhvillohet në Milano ditën e nesërme më 26 maj.
Përmes një posteri të publikuar në rrjetet sociale, me njërën nga fotot e eksodit të madh të shqiptarëve drejt Italisë gjatë vitit 1991, Rama njofton se do të jetë në qytetin italian më 26 maj, në orën 11:00 në *Viale Gabardi, 43, 21052 Busto Arsizio VA.
Ky është takimi i dytë me diasporën i kreut të qeverisë, pas atij të 12 majit në Athinë, ku u prit nga mijëra shqiptarë.
Turi i takimeve vjen në kuadër të takimit me bashkatdhetarët tanë që jetojnë e punojnë jashtë.
Rama pritet të takohet dhe me shqiptarë që jetojnë e punojnë në Londër e Dyseldorf.
