Presidentja e Kosovës, Vjosa Osmani, ka udhëtuar për vizitë zyrtare në Teksas të SHBA-ve, me ftesë të Qeverisë amerikane për të marrë në Samitin SHBA-Afrikë.
Gjatë kësaj vizite ajo ka zhvilluar takime me personalitete dhe politikanë si ish presidentin Xhorxh W. Bush, guvernatorin e Teksasit, Greg Abbott etj.
Ditën e djeshme ajo ka vizituar edhe qendrën më të madhe kulturore shqiptaro-amerikane në Teksas, Albanian American Cultural Center of Texas.
Në një postimi në rrjete sociale ajo ka bërë të ditur se në Teksas ka takuar shqiptarë të cilët i ka quajtur si ura më e fuqishme e aleancës së Kosovës me ShBA-të.
“Shqiptarët e Amerikës janë ura më e fuqishme e aleancës së Kosovës me SHBA-të. Kënaqësi t’i takoja në Teksas dhe t’i përgëzoj për të arriturat e tyre të jashtëzakonshme.
Përgjatë kohërave sfiduese, ata ishin dhe janë ambasadorë të Kosovës, avokatë të kauzave tona dhe përkrahës të vendosur të aspiratave tona kombëtare”, shkruan Osmani.