Tetë kompani përfaqësuan Kosovën në Panairin ndërkombëtar të teknologjisë informative (TIK) dhe përpunimit të metaleve “Hannover Messe 2024”, që u mbajt në Hanover të Gjermanisë javën që lamë pas. Të pranishëm në këtë panair ishin edhe Kryeministri i Kosovës, z. Albin Kurti, dhe Ministrja e Industrisë, Ndërmarrësisë dhe Tregtisë znj. Rozeta Hajdari,

I pranishëm në këtë panair me ftesë të organizatorëve KIESA ishte edhe politikani shqiptaro – gjerman Besnik Kelmendi i cili u shpreh se prezenca e dy politikanëve nga Kosova, z. Kurti dhe znj. Hajdari, nënvizoi rëndësinë historike të pjesëmarrjes së Kosovës në këtë panair.

“Si politikan pata kënaqësinë të vizitoja stendën tonë dhe të ndaja ide me sipërmarrësit, ku diskutuam mbi mundësinë e bashkëpunimit dhe forcimin e marrëdhënieve ekonomike drejt Gjermanisë dhe vendeve tona.

I frymëzuar nga forca inovative dhe talenti sipërmarrës i kompanive, jam i bindur se këto takime do të vendosin themelet për bashkëpunimin e ardhshëm” shkruan Kelmendi në rrjetet sociale.