Në gazetën zyrtare të Republikës së Serbisë është publikuar vendimi i qeverisë për shpërbërjen e Kuvendit Komunal të Preshevës dhe emërimi i organit të përkohshëm, raporton nrtvpresheva.com
Sipas këtij vendimi organi i përkohshëm do të udhëheq me komunën e Preshevës deri në zgjedhjet e ardhshme që do të mbahen më 2 qershor 2024.
Jozyrtarisht mësohet se kryetar i organit është emëruar kryetari i PDSH-së Ragmi Mustafa, por vendimi definitiv do të publikohet nesër.
Kujtojmë se koalicioni qeverisës në Preshevë, APN e Shqiprim Arifit, Lr e Sami Salihut dhe SNS-i i Aleksandar Vuçiqit qysh në muajon korrik kishin humbur shumicën dhe që nga ajo kohë nuk është mbajtur asnjë seancë e kuvendit komunal.
Qeveria e Serbisë nuk kishte ndërmarrë asnjë hap pë shpërndarjen e kuvendit edhe pse ishte jofunksional.
