Çmimi ndërkombëtar “Aquila D’Oro” ka mbërritur në edicionin e tij të katërt. Edhe këtë vit vlerësohen autorët në katër kategori, narracion, poezi, botim, krijimtari e pabotuar dhe tregime të shkurtra.
Organizatorët ftojnë të interesuarit të aplikojnë deri më 30 shtator.
Ky konkurs është i hapur për të gjithë ata që adhurojnë letërsinë dhe duan të zënë një vend në botën e poezisë ose të narracionit. Në mënyrë të veçantë konkursi i drejtohet të rinjve të cilët dëshirojnë të bëhen pjesë e botës së mrekullueshme të letërsisë. Organizatorët inkurajojnë pjesëmarrësit të paraqesin krijimtaritë e tyre më të mira në mënyrë që të evidentohet talenti i tyre.
Për herë të parë këtë vit Gazeta “Diaspora Shqiptare” është media partner i këtij konkursi të rëndësishëm për krijuesit e rinj.
Kategoritë ku mund të prezantohen krijimet janë:
- Poezi në gjuhën italiane, temë e lirë. Krijim i botuar ose jo.
– Poezi në dialekt
– Tregim i shkurtër në gjuhën italiane, i botuar ose jo.
– Poezi në gjuhë të huaj (vetëm për ata që banojnë jashtë italisë).
Në konkurs do të pranohen vetëm krijime në gjuhën italiane. Pjesëmarrësit mund të jenë rezident në Itali ose në çdo vend tjetër të botës, e rëndësishme është që veprat që do të marrin pjesë në konkurs të jenë në gjuhën italiane ose të përkthyera në gjuhën italiane.
Krijimet duhet të dërgohen jo më vonë se ora 12:00 e datës 30 shtator 2024 në adresën email [email protected]; me prezantimin
“Concorso Aquila d’Oro 2024”.
Juria e këtij konkursi përbëhet nga: Klaudio Findiku (President i çmimit) – shkrimtar, muzikant, poet dhe president i shoqatës vullnetare “SHQIPET”
Arianna Miorelli (kryetare e jurisë) – zëvendës presidente e shkollës së hotelerisë në “Riva del Garda”,
Rosy Gallace – autore, organizatore dhe anëtare jurie e shumë konkurseve të poezisë.
Irma Kurti – autore e shumë vlerësuar, poete, shkrimtare, gazetare e përkthyese.
Elena Piva – gazetare e së përditshmes rajonale “l’Adige”.
Maurizio Bacconi – poet e shkrimtar i shumë vlerësuar, anëtar jurie i shumë konkurseve letrare.
Paolo Farinati – ish këshilltar bashkiak i komunës së Roveretos, shkrimtar dhe gazetar.
Lucia Lo Bianco – autore romanësh dhe përmbledhjesh poetike shumë e vlerësuar.
Silvio Di Fabio – poet, autor dhe shkrimtar i shumëvlerësuar.
Ceremonia e dhënies së çmimeve do të mbahet më 14 dhjetor 2024 ora 14:30 në sallën Belli – Pallati “Alberti Poja” corso Bettini 41 Rovereto (TN).
Fitues ose jo të gjitha veprat që do të paraqiten në këtë konkurs do të botohen në një antologji përmbledhëse.
Për më shumë informacione për konkursin dhe aplikimet klikoni këtu:
