Me qëllim pajisjen me dokumente biometrike të shtetasve shqiptarë që jetojnë dhe punojnë në zonat përreth ishujve të Egjeut, Mesdheut Ministria për Evropën dhe Punët e Jashtme, dhe Ambasada e Republikës së Shqipërisë në Greqi edhe këtë vit do të mundësojë realizimin e projektit “Ishujt 2024”.
Për të mundësuar pajisjen me dokumenta të shtetasve shqiptarë që banojnë në këto ishuj ekipi administrativ do të jetë në Iraklio, në ishullin e Kretës në datat 22, 23 dhe 24 prill. Ndërsa në ishullin e Rodosit do të jetë në datat 25, 26 dhe 27 prill.
Të interesuarit, krahas detyrimit për kryerjen e aplikimit në e-Albania, duhet të dërgojnë në 𝗰𝗼𝗻𝘀𝘂𝗹𝗮𝘁𝗲.𝗮𝘁𝗵𝗲𝗻𝘀@𝗺𝗳𝗮.𝗴𝗼𝘃.𝗮𝗹 kërkesën e tyre me subjekt “Ishujt 2024“, si dhe të dhënat e mëposhtme:
Emër/Mbiemër i aplikantit
Numrin personal (NID)
Kodin e aplikimit për pasaportë ose/dhe kartë ID (03AT…)
Adresën e vendbanimit – Ishulli
Afati përfundimtar për aplikim është data 𝟭𝟵 𝗽𝗿𝗶𝗹𝗹 𝟮𝟬𝟮𝟰.
Aplikimet kryhen falas nëpërmjet platformës www.e-albania.al dhe kostoja reale e pasaportës/kartës ID është 130/12 euro.
Pagesa për rinovimin e pasaportave biometrike dhe kartave ID, si dhe shërbimeve të tjera do të mund të kryhet me çdo lloj kartë bankare përmes POS terminaleve, të cilat do të instalohen në ambientet e zyrës së përcaktuar.
Ambasada bën me dije se detajet lidhur me vendndodhjen në Kretë dhe në Rodos do të saktësohet në ditët në vijim.
Për çdo pyetje/informacion të mëtejshëm mund të kontaktoni në adresën email [email protected]
