“Panairi i Librit shqip 2024”, organizuar nga Shoqata e Shkrimtarëve Shqiptaro-Amerikanë, vjen si një ngjarje e madhe kulturore për të nderuar dhe promovuar krijimtarinë e letërsisë shqiptare. Kjo ngjarje e cila mbahet më 7 prill (ora lokale 13:30) në bibliotekën “Ferguson”, Stamford, Conecticut, pritet të mbledhë autorë, lexues, dhe pasionantë të letërsisë nga të gjitha anët e vendit për të prezantuar dhe shkëmbyer librat e tyre të botuar.

Panairi ofron një platformë unike për autorët për të ndarë punën e tyre me publikun, për të nënshkruar kopje të librave, dhe për të bërë diskutime të frytshme me lexuesit.

Gjithashtu, në kuadër të Panairit, do të zhvillohen diskutime, seminare dhe ngjarje të tjera kulturore për të thelluar lidhjet midis autorëve dhe lexuesve, duke krijuar një ambient të frytshëm për shkëmbimin e ideve dhe eksperiencave krijuese.