Me ftesë të Presidentit të Republikës së Shqipërisë z.  Bajram Begaj, të shtunën e kaluar u realizua në Pallatin Presidencial të Tiranës. Një takim institucional me komunitetet arbëreshe të Italisë

“Mirëpritja në Shqipëri ishte e fortë dhe e ngrohtë, toka mëmë shumë e interesuar për të ruajtur dhe forcuar marrëdhëniet e bashkëpunimit me bashkitë arbëreshe” thuhet në njoftimin e Bashkisë së Piana degli Albanesi.

Komuniteti arbëresh i Piana degli Albanesi u përfaqësuan me një delegacion me Kryebashkiakun Rosario Petta, Kryetarin e Këshillit Bashkiak Antonino Aclud dhe Koordinatorin Giuseppe Puglia. Ndërsa komuniteti i Palazzo Adriano u përfaqësua nga këshilltarja Federica Vallone.

“Ne po punojmë me qeverinë e Shqipërisë për nisma konkrete për planifikimin dhe projekteve dhe të shkëmbimeve kulturore që po zhvillohen aktualisht me Italinë.

Mundësia ishte e përshtatshme për të diskutuar dhe verifikuar pozicionin dhe mundësitë e shkëmbimit me 7 rajonet italiane: Abruzzo, Basilicata, Kalabria, Campania, Molise, Puglia dhe Siçilia, ku ka komuna me origjinë arbëreshe të njohura si pakica historike gjuhësore me ligjin 482. të vitit 1999.

Përfshirja e 7 rajoneve italiane do të lejojë ndarjen e propozimeve dhe planeve që do të përfshijnë Italinë qendrore dhe jugore, me aktivitete promovuese dhe evente të përbashkëta mes komuniteteve arbëreshe të Italisë”, tha kryebashkiaku Rosario Petta.