Sekretari Amerikan i Shtetit, Antony Blinken, në vizitën disa orëshe në kryeqytetin e shqiptarëve Tiranën dy javë më parë, përpos miqësisë shqiptaro amerikane, të kaluarës komuniste në Shqipëri, dhe arritjeve të vendit tonë, u ndal dhe te shqiptarët e suksesshëm nëpër botë.
Ai përmendi dy vajzat shqiptare të cilat po korrin sukses edhe në Shtetet e Bashkuara të Amerikës, si edhe një restorant) të traditës Shqiptare (jo në mënyrë specifike), në New York.
Këto, “Dua Lipën, Mira Muratin, si dhe Restorantin Shqiptar”, Sekretari i Shtetit i përmendi nga ambientet e Piramidës, aty ku dhe zhvilloi një konferencë të shkurtër për mediat në Tiranë.
Duke thënë: “Po shikoni lidhjet e fuqishme midis vendeve tona në mënyra të tjera. Amerikanë të rinj po kërcejnë gjithë natën me Dua Lipën. Shefja e teknologjisë në Open Ai, një nga njerëzit që po lidh botën për inteligjencën artificiale, Mira Murati. Në New York është një restorant shqiptar Kapërcimi i Shqipërisë në botën e re nuk ishte aq e thjeshtë. Sekreti ishte tek të rinjtë si ju që bënë ndryshimin”
“Në New York është një restorant shqiptar”, ndërsa ne i kërkuam Departamentit të Shtetit, pas deklaratës së Sekretarit të Shtetit Anthony Blinken, se a mundet specifikisht të na thuhet se “Për kë restorante Shqiptar?” e kishte fjalën Sekretari i Shtetit, gjatë fjalimit të tij në Tiranë.
Përgjigjja, ishte Jo! :
“Sekretari i shtetit nuk ju referua asnjë restoranti në mënyrë specifike, por, ai është lexues i rregullt (i përditshëm) i gazetës “The New York Times” thanë nga Departamenti i Shtetit.
Ne u interesuam dhe pyetëm disa pronar shqiptar të restoranteve të njohura në New York, dhe ata thanë se “Blinken duket se i është referuar restorantit të traditës shqiptare në qytetin e New Yorkut “Çka ka Qëllu” me pronar Ramiz Kukaj.
“Sepse, “The New York Times” e vendosi restorantin shqiptar “Çka ka Qëllu”, në listën e 100 më të mirëve për vitin 2023″.
The “New York Times”: “Çka Ka Qellu’ among Top 100 Restaurants in New York for 2023
Ka qenë përsëri gazeta prestigjioze “New York Times”, ajo, e cila ka publikuar një listë me 100 restorantet e më të mira të vitit 2023, në New York City. Dhe, përsëri është ajo, që për të tretin vit po zgjedhë edhe restorantin shqiptar “Çka ka Qëllu”.
New York Times, shkruan se ka të paktën dy mënyra për të lexuar këtë listë:
“Natyrisht, që ky është një udhëzues, i bazuar në dekadën time të rishikimit (shkruan Pette Wells). Megjithatë, nëse e përdorni në këtë mënyrë, paralajmërohuni se në disa nga këto vende (restorante) do të keni një ndenjëse të rehatshme me pamje të plotë të kuzhinës, dhe tjerat do t’ju duhet të gjeni në se zgjidhni sipas shijes suaj njërin nga këto restorante të listës “The 100 best restaurant NYC 2023”
Autori i shkrimit gazetari i njohur Pete Wells, po ashtu thotë se ka bërë përzgjedhjen përderisa ai i ka shijuar ushqimet në të gjitha këto restorante dhe e ka përshkruar më tej edhe në përvojën e tij që ka gjetur në restorantin e njohur shqiptar të quajtur “Çka Ka Qëllu”.
Ai thotë se i pari restorant “Çka Ka Qëllu”në Bronx, duket se ishte si “një zë i vetmuar në shkretëtirë”, që njujorkezeve dhe turistëve të huaj u dha kumtin që edhe NYT, të bënte vetë vlerësimin për gatimet e Shqipërisë, sidomos, ato të Shqipërisë Mesme, të Veriut dhe të Kosovës:
Tani, “Çka ka Qëllu” shkruan NYT, ka edhe dy lokale të tjerë, njëri në zemër të Nju Jorkut – Manhatan, dhe tjetri në Stamford- Konektikat. Ku pjesa më e madhe e menusë së saj është kuzhinë e ashtuquajtur në gjuhën kulinare “kuzhina qetësuese”, e cila vjen nga produktet e qumështit, dhe salca të pasuruara me kajmak, djathë të freskët, si dhe mish viçi të njomë, që është dhe mishi më i preferuar.
Autori i shkrimit Pete Wells ka shkruar më parë se ai vet i ka shijuar ushqimet në të gjitha këto restorante dhe e ka përshkruar përvojën e tij në restorantin shqiptar të quajtur “Cka Ka Qëllu”.
Një natë tek restoranti “Çka Ka Qëllu” është zgjedhja e duhur, shkruan New York Times:
“Futuni brenda restorantit dhe papritmas jeni në një tavernë të ndonjë fshati të vjetër diku në Shqipëri apo Kosovë. Shikoni koleksionin e instrumenteve muzikore, mjetet e fermës, mullinjtë e kafesë dhe rrobat antike në mur. Nuhatni bukët teksa piqen në furrë kur jeni te dera kryesore”, shkruan ai në artikullin e “New York Times”.
Ai gjithashtu ka treguar se specialitetet ushqimore të këtij restoranti janë ëmbëlsirat si sheqerparja dhe kafeja e cila njihet si turke, për aq kohë sa qëndroni në “Çka Ka Qëllu”, do ta quani atë shqiptare.
“Speca turshi dhe dy ose tre zhytje që ta shijoni më tepër, pas së cilës mund të dëshironi disa kunguj të njomur me kos në një enë balte”, është disa nga specialitetet e tjera në restorant.
Pronari dhe ideatori i krijimit të restoranteve “Çka ka Qëllu” Ramiz Kukaj, shkruajti në llogarinë e tij në rrjetin social Instagram, sot mbasi mësoi se kryegazeta amerikane New York Times e kishte përzgjedhur restorantin e tij në listën “The 100 best restaurant NYC 2023” duke thënë:
“27.000 restorante janë në New York City. A e kishit menduar ndonjëherë, që do të vinte një ditë, kur një restorant shqiptar, me gatime dhe ushqime autentike shqiptare, do të zgjidhej ndër 100 restorantet më të mirë?”
