Si përfaqësuesja e SHBA-së e një distrikti të Kongresit me shumicë shqiptare, e ftuara speciale e ngjarjes, kongresmenja Alexandra Ocasio-Cortez bëri thirrje për t’i dhënë fund mosndëshkimit për dhunuesit serbë në mënyrë që ata të mbajnë përgjegjësi përpara ligjit, pasi ajo është një bashkë-hartuese e Rezolutës 36.
Një rezolutë për t’i dhënë fund mosndëshkimit të krimeve seksuale të pandëshkuara të serbëve gjatë luftës së vitit 1999 në Kosovë. Rezoluta ka marrë si shembull rastin e shtetases së Shteteve të Bashkuara dhe të mbijetuarës së krimeve seksuale të luftës Vasfije Krasniqi Goodman dhe të mbijetuarve të tjerë të dhunës seksuale dhe me bazë gjinore.
“Sot në këtë përvjetor të gjashtëmbëdhjetë të Pavarësisë së Kosovës me krenari pohoj se bashkë-hartuese e Rezolutës 36. E cila kërkon ndëshkimin e krimeve serbe në Kosovë. Jam shumë krenare që e paraqes këtë rezolutë dhe do të luftoj që kjo rezolutë të kaloj në të dy dhomat.
Si përfaqësuese e një zone që ka një numër shumë të madh të komuniteti shqiptar dua t’ju siguroj që drejtësia do të vendoset për të gjithë njerëzit e komunitetit tonë. Përtej këtij kremtimi të Pavarësisë duhet të jemi të qartë për padrejtësie që i kanë ndodhur dhe për padrejtësitë që po i ndodhin Kosovës. Sulmet seksuale ndaj grave të pafajshme dhe njerëzve, vdekjet dhe shkatërrimet dhe dhuna që është ushtruar. Janë mbi 25 mijë gra që janë dhunuar seksualisht dhe vetëm pak raste janë ndjekur ligjërisht. Kjo është e papranueshme. Të përdorësh përdhunimin si armë lufte është një krim lufte. Dhe shumë të rinj që vuajtën dhunën dhe pësuan trauma. 15 % e viktimave të luftës së Kosovës ishin nën 18 vjeç. Dëshiroj të shpreh nderim për jetët e humbura të tre vëllezërve Bytyçi. Tre shtetas amerikanë me një të ardhme të ndritur përpara, të tre të vrarë por ende s’ka drejtësi për ta dhe familjen e tyre. Dhimbja dhe trauma e kësaj periudhe nuk mund të harrohet. Edhe sot pas 16 vitesh provokimet vazhdojnë”, tha ndër të tjera kongresistja Ocasio-Cortez.
Lexo rezolutën këtu:
