Bashkia e Nju Jorkut mbajti pasditen e së hënës në Dhomat e Këshillit një aktivitet të dedikuar për 16-vjetorin e Pavarësisë së Kosovës.
Mark Gjonaj, ish-anëtar i Këshillit dhe organizator, mbajti fjalën kryesore gjatë të cilës i bëri thirrje Shteteve të Bashkuara, partnerëve të saj dhe komunitetit ndërkombëtar që të ndërpresin menjëherë të gjitha veprimet e Serbisë që minojnë Kosovën dhe Ballkanin.
Ai ka tërhequr vëmendjen për luftën për liri të Ushtrisë Çlirimtare të Kosovës dhe fuqinë e qëndresës. “Në këtë 16-vjetor, na kujtohen pengesat dhe sfidat me të cilat është përballur Kosova për të dalë nga lufta si një vend i ri i themeluar në luftën e shqiptarëve për liri. Kjo është një pavarësi që nuk u fitua, por u pagua me dekada gjak, djersë dhe lot”, tha Gjonaj. Duke nënvizuar aktet e dhunshme të kryera nga serbët gjatë muajve të fundit si në të kaluarën, ai theksoi rëndësinë e “sjelljes së këtyre kriminelëve të luftës para drejtësisë”.
Si përfaqësuesja e SHBA-së e një distrikti të Kongresit me shumicë shqiptare, e ftuara speciale e ngjarjes, kongresmenja Alexandra Ocasio-Cortez bëri thirrje për t’i dhënë fund mosndëshkimit për dhunuesit serbë në mënyrë që ata të mbajnë përgjegjësi përpara ligjit, pasi ajo është një bashkë-hartuese e Rezolutës 36.
Gjatë manifestimit, anëtari i Këshillit të Qytetit të Nju Jorkut, Robert Holden, u dorëzoi vlerësimet tre të nderuarve me arritje dhe kontribute të jashtëzakonshme në shërbim të komunitetit: Ismet Dedushaj, Imam Ferid Bedrolli dhe Albana Krasniqi.
Organizatori falënderoi mikpritësit Kryetaren Adrienne Adams, anëtarët e Këshillit Robert Holden, David Carr, Joseph Borelli, Kristy Marmorato, të ftuar special, kongresmenen Alexandria Ocasio-Cortez, Shefin e Misionit në Konsullatën e Përgjithshme të Republikës së Kosovës, Blerim Reka, Zëvendës Ambasadori i Shqipërisë. në OKB Arian Spase, personalitete nga Kosova: Ilir Ferati, kryetar i Komunës së Istogut, Ali Nimanaj, Kushtrim Buleshkaj, Arben Kabashi, Driton Alihajdaraj, Stafi i Këshillit të Qytetit të NY.
Shfaqjet e tre grupeve të vallëzimit të të rinjve: Mëso Shqip, Shkolla Shqipe Alba Life dhe Albanian School Rrënjët Shqiptare ekspozuan kostumet dhe folklorin tradicional shqiptar.
I pranishëm edhe antari i Këshillit të Vatrës, Ibrahim Kolari, i cili u vlerwsua nga i nderuari Mark Gjonaj. Anëtarja e Bordit të Vatrës, Angjelina Nika, Mjeshtre e Madhe, ishte edhe drejtuese e vallëzimit të grupit të performancës së Shkollës Shqiptare – Rrënjët Shqiptare – Rrënjët Shqiptare. Përfaqësues dhe anëtarë të organizatave si Shoqata Dibra, Fondacioni Plave Guci, Shoqata Shqiptaro-Amerikane Skenderbej, Albanian Knights NJ ishin në mesin e shumë atyre që u bashkuan në kremtimin e 16-vjetorit të pavarësisë së Kosovës të organizuar nga Bashkia e NY.
