Javën që lamë pas në Manhattan NY, u mbajt takimi zgjedhor i Shoqatës Malësia e Madhe në New York.
Në njoftimin zyrtar të kësaj shoqate publikuar në rrjetin social Fb, thuhet se në mbledhjen zyrtare të Këshillit Drejtues të Shoqatës “Malësia e Madhe” New York, u mbajtën zgjedhjet e kryesisë se re dhe kryetarit ; Kjo kryesi dhe kryetari do të ushtrojë detyrën për një mandat 2 vjeçar .
Mbledhjen zyrtare zgjedhor thanë burime brenda kësaj mbledhje e hapi me fjalimin e tij kryetari mandat përfunduar Shaqir Gjokaj, i cili me këtë rast dha edhe një raportim të shkurtër për punën e kësaj shoqate në dy vitet sa ai shërbeu si kryetar .
Z. Gjokaj gjatë fjalës së tij, në veçanti falenderoi kryesinë dhe të gjithë anëtarët e këshillit drejtues të Shoqatës Malësia e Madhe, për bashkëpunimin dhe angazhimin të pa kursyer gjatë periudhës dy vjeçare sa aji ishte kryetari i kësaj shoqate.
Mbas fjalës së kryetarit të deri tanishëm u ndërmor hapi për zgjedhje të Kryetarit dhe Kryesisë së re, tha Kolë Cacaj.
Më pastaj u kalua te procedura e zgjedhjeve me leximin e Statutit dhe Rregullores së Shoqatës Malësia e Madhe në Nju Jork, të cilat, pjesëmarrësit pas një debati të frytshëm e konstruktiv, i aprovuan unanimisht, dhe ranë dakord të kalohet në zgjedhje(votim).
Më pas sipas rregullores së kësaj shoqate për kryetar garuan tre kandidatura , në ndërkohë, me votim të fshehtë , mbas numërimit të flet/votimit nga komisioni i verifikimit u zgjodh Kryetari i ri i SHMM-së, Senad Lulanaj, i cili fitojë numrin e nevojshëm të votave për Kryetar të shoqatës.
Kurse, nënkryetar u zgjodh Driton Sinishtaj dhe Fikret (Kiko) Çelaj.
Ndërsa, për sekretar është zgjedhur: Ilir Çunmulaj dhe Ilir Xheladini, kurse arkatar Gjekë Junçaj dhe Nikollë Bojaj.
Kryetari i ri, Senad Lulanaj, na tha Kol Cacaj, mbas zgjedhjes si kryetar falenderoj të gjithë anëtaret e këshillit drejtues të shoqatës, për besimin që i dhanë atij si dhe njëherit ai premtoj angazhimin e pakursyer ndaj kësaj shoqate atdhetare dhe humanitare në këto dy vjet të këtij mandati që ai sapo mori.
Zoti Cacaj, tha se Lulanaj vjen nga Dinosha e Malësis së Madhe nën Mal të Zi.; “Ai është antar i Shoqatës për një kohë më të gjatë se 10 vjeçare .Gjatë kësaj perjudhe, Lulanaj ka qenë anëtar i këshillit drejtues si dhe një mandat ka ushtruar detyrën e Nën/kryetarit të kësaj shoqate. Po ashtu, shtoi Cacaj, ai është dalluar gjithnjë edhe si një veprimtar i pa lodhur këtu në diasporë e jo vetëm.”
Në faqen zyrtare të kësaj shoqate në Fb (https://www.facebook.com/shoqatammny/), thuhet :
“Kryesisë i urojmë veprimtari të mbarë në interes të çështje shqiptare, ndërsa Shoqatës “Malësia e Madhe” suksese të mëtutjeshme në promovimin e vlerave tona kombëtare, mbrojtjen dhe avancimin e gjuhës, kulturës e trashigimnisë tonë, avancimin e dokeve e traditave shqiptare, krijimin e urave te bashkëpunimit me veprimtarë dhe organizata që fokus të veçantë kanë interesin e përbashkët kombëtar, mbështetjen e pakushtëzuar dhe të pakursyer ndaj vendlindjes, përkujtimin e ngjarjeve dhe personaliteteve që janë pjesë e të kaluarës tonë, organizimin e aktiviteve të shumta me karakter artistik e kulturor për komunitetin tonë(malësorve) në New York, etj.”
