Ditën e nesërme në ora 18:00 zhvillohet në Bashkinë e New York-ut ceremonia e kremtimit të 16 vjetorit të Pavarësisë së Kosovës. Një aktivitet i organizuar nga ish këshilltari bashkiak dhe kryetari i Këshillit Koordinues të Diasporës z. Mark Gjonaj.
Ceremonia do të zhvillohet në 1 City Hall, New York, NY, 10007 dhe për të marrë pjesë mjafton të regjistroheni në linkun e mëposhtëm.
https://council.nyc.gov/events/events/kosova-independence-celebration-2024/
Ceremonia e cila fillimisht ishte planifikuar të mbahej në datë 13 shkurt u shty per shkak të kushteve të këqija atmosferike. Në njoftimin për shtyp Mark Gjonaj tha se:
‘Tani, më shumë se kurrë, Kosova ka nevojë për ne. Tregoni mbështetjen tuaj dhe solidarizohuni me Kosovën. Le të nderojmë historinë, sakrificën dhe heroizmin e Kosovës si komb’ shkruan Gjonaj.
Në një njoftim të mëparshëm ai u shpreh se: Pas një viti të sfidave dhe tensioneve, diaspora shqiptare në New York do të bashkohet në një ngjarje të veçantë për të festuar Ditëlindjen e 16-të të Pavarësisë së Kosovës.
Gjatë vitit 2023, Kosova përjetoi sfida të mëdha, duke përfshirë protesta të dhunshme të organizuara nga Serbia, rrëmbimin e tre oficerëve të Policisë së Kosovës, sulmin nga mbi 30 terroristë dhe njësitet paramilitare serbe, si dhe mobilizimin e ushtrisë serbe në kufirin me Kosovën.