Pas shtyrjes për shkak të kushteve atmosferike festa e ditëlindjes së 16 të Pavarësisë së Kosovës e parashikuar të mbahej në Bashkinë e New York-ut është shtyrë për në datën 26 shkurt.

Lajmin e ka bërë të ditur organizatori Mark Gjonaj nëpërmjet një njoftimi publik.

‘Tani, më shumë se kurrë, Kosova ka nevojë për ne. Tregoni mbështetjen tuaj dhe solidarizohuni me Kosovën. Le të nderojmë historinë, sakrificën dhe heroizmin e Kosovës si komb’ shkruan Gjonaj.

Në një njoftim të mëparshëm ai u shpreh se: Pas një viti të sfidave dhe tensioneve, diaspora shqiptare në New York do të bashkohet në një ngjarje të veçantë për të festuar Ditëlindjen e 16-të të Pavarësisë së Kosovës.

Gjatë vitit 2023, Kosova përjetoi sfida të mëdha, duke përfshirë protesta të dhunshme të organizuara nga Serbia, rrëmbimin e tre oficerëve të Policisë së Kosovës, sulmin nga mbi 30 terroristë dhe njësitet paramilitare serbe, si dhe mobilizimin e ushtrisë serbe në kufirin me Kosovën.

Ngjarja fillon në orën 6:00 pasdite në City Hall, New York, NY, 10007. Për të marrë pjesë, ju lutemi të konfirmoni pjesëmarrjen tuaj në linkun e mëposhtëm brenda datës 22 shkurt 2024 në linkun e mëposhtëm.

https://council.nyc.gov/events/events/kosova-independence-celebration-2024/